Advertisement

കാട്ടാക്കടയിൽ യുവാക്കളുടെ കൂട്ടത്തല്ല്; ഇറച്ചി വെട്ട് കത്തിയുമായി അക്രമം

August 9, 2022
2 minutes Read
Conflict between youths in Kattakada
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

കാട്ടാക്കട ബസ് സ്റ്റാൻഡ് മുതൽ മൊളിയൂർ റോഡ് വരെയുള്ള ഭാ​ഗത്ത് യുവാക്കളുടെ കൂട്ടത്തല്ല്. ഒരു കൂട്ടം യുവാക്കൾ റോഡിലൂടെ നടന്ന് ബഹളം വെയ്ക്കുകയും അക്രമാസക്തരാവുകയുമായിരുന്നു. തിങ്കളാഴ്ച വൈകിട്ട് 5 മണിക്കാണ് സംഭവം നടന്നത്. യുവാക്കൾ മൊളിയൂർ റോഡിലെത്തിയതോടെ ഒരാളെ വളഞ്ഞിട്ട് ആക്രമിച്ചു. ആക്രമണം അതിരു കടന്നപ്പോൾ ചിലർ ഓടിയെത്തി പിടിച്ചു മാറ്റുന്നത് സി.സി ടി.വി ദൃശ്യങ്ങളിൽ വ്യക്തമാണ്. ( Conflict between youths in Kattakada )

അക്രമികളിൽ പ്രധാനി സമീപത്തെ ഇറച്ചിക്കടയിൽ കയറി ഇറച്ചി വെട്ട് കത്തിയുമായി തിരികെയെത്തി യുവാവിനെ ആക്രമിക്കാൻ ഒരുങ്ങുന്നതും കടയിലെ ജീവനക്കാരൻ കത്തി പിടിച്ചുവാങ്ങി തിരികെ പോകുന്നതും സി.സി ടി.വി ദൃശ്യത്തിലുണ്ട്. ബസ് സ്റ്റാൻഡ് പരിസരത്ത് പൊലീസ് പട്രോളിം​ഗ് ശക്തമല്ലാത്തതിനാലാണ് ഇത്തരം അക്രമങ്ങളുണ്ടാകുന്നതെന്ന് നാട്ടുകാർ പറയുന്നു.

Read Also: കാട്ടാക്കടയിലെ തോക്ക് ചൂണ്ടിക്കവർച്ച; പ്രതിയുടെ രേഖാചിത്രം പുറത്തുവിട്ട് പൊലീസ്

സംഭവവുമായി ബന്ധപ്പെട്ട് സംശയമുള്ള ചിലരെ പൊലീസ് കസ്റ്റഡിയിലെടുത്തു. എന്നാൽ ഈ സംഭവവുമായി തങ്ങൾക്ക് ബന്ധമില്ലെന്നാണ് ഇവർ പറയുന്നത്. അക്രമം നടത്തിയ സംഘം എവിടെനിന്ന് വന്നവരാണെന്ന വിവരം ഇതുവരെ ലഭിച്ചിട്ടില്ല. ഏകദേശം ഒരു മാസത്തിന് മുൻപും ഇവിടെ ഇത്തരത്തിൽ ആക്രമണവും തമ്മിൽത്തല്ലുമുണ്ടായിട്ടുണ്ടെന്ന് സമീപവാസികൾ പറയുന്നു.

Story Highlights: Conflict between youths in Kattakada

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement