Advertisement

ഭാരത് ജോഡോ യാത്രയ്ക്കിടെയുള്ള വിശ്രമവേളയിൽ ചുവട് വച്ച് 74 കാരിയും 81 കാരനും; വിഡിയോ

September 25, 2022
Google News 2 minutes Read
bharat jodo yatra viral dance

രാഹുൽഗാന്ധിയുടെ ഭാരത് ജോഡോ യാത്ര പ്രായഭേദമന്യേ ആളുകളിൽ ആവേശം തീർത്താണ് കടന്നു പോകുന്നത്. ആവേശം കൊടുമ്പിരിക്കൊള്ളുമ്പോൾ ഡാൻസും പാട്ടും ആഘോഷവും ഒക്കെ കാണാം. അത്തരത്തിൽ കഴിഞ്ഞദിവസം പ്രായം മറന്ന് നൃത്തച്ചുവടുകൾ വെച്ച രണ്ടുപേരാണ് ഇന്നത്തെ താരങ്ങൾ. ( bharat jodo yatra viral dance )

പേര് ജാനകി, മോനു. ഭാരത് ജോഡോ യാത്രക്കിടെ പ്രവർത്തകർ ആവേശത്തിൽ ആറാടിയപ്പോൾ ഇരുവർക്കും പിടിച്ചു നിൽക്കാൻ ആയില്ല. പ്രായം മറന്ന് രണ്ടുപേരും പാരഡി ഗാനത്തിനൊപ്പം കളം നിറഞ്ഞാടി.

Read Also: ഭാരത് ജോഡോ യാത്രയുടെ പ്രചാരണ ബാനറില്‍ സവര്‍ക്കറുടെ ചിത്രം: സുരേഷിനെതിരെ നടപടിയുണ്ടാകില്ലെന്ന് കെ സുധാകരന്‍

പദയാത്രയുടെ വിശ്രമ വേളക്കിടെ 74 കാരിയായ പേരാമ്പ്ര സ്വദേശി ജാനകിയാണ് ആദ്യം താളത്തിനൊത്ത് ചുവടുകൾ തീർത്തത്. കുറച്ചു കഴിഞ്ഞപ്പോൾ ആൾക്കൂട്ടത്തെ വകഞ്ഞു മാറ്റി 81 കാരനായ മോനുവും നൃത്തച്ചുവടുകളുമായി ജനക്കൂട്ടത്തെ ഇളക്കിമറിച്ചു.

ഡാൻസും പാട്ടുമൊക്കെ ഭാരത് ജോഡോ പദയാത്രയിലെ സ്ഥിരം കാഴ്ചയാണെങ്കിലും മോനുവും ജാനകിയും തുള്ളിച്ചാടിയത് വേറിട്ട കാഴ്ച്ച തന്നെയായിരുന്നു.

Story Highlights: bharat jodo yatra viral dance

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here