Money saving: ആയിരം മുതല്‍ നിക്ഷേപിച്ച് 10 ലക്ഷം വരെ നേടാം; കിസാന്‍ വികാസ് പത്രയിലൂടെ
2 minutes Read
നിക്ഷേപിക്കാന്‍ കയ്യില്‍ ആയിരങ്ങളുണ്ടെങ്കില്‍ 10 ലക്ഷം വരെ നേടാന്‍ കഴിയുന്ന കേന്ദ്രസര്‍ക്കാര്‍ പദ്ധതിയാണ് കിസാന്‍ വികാസ് പത്ര. തപാല്‍ വകുപ്പിന്റെ കീഴിലുള്ള ഈ പദ്ധതിയില്‍ റിസ്‌ക് എടുക്കാന്‍ താത്പര്യമില്ലാത്തവര്‍ക്കായി ധാരാളം ചെറു സമ്പാദ്യ പദ്ധതിയും ഉള്‍പ്പെടുന്നു.
കിസാന്‍ വികാസ് പത്ര 124 മാസത്തെ കാലാവധിയുള്ള ഒരു ഗ്യാരണ്ടീഡ്-ടു-ഡബിള്‍ നിക്ഷേപമാണ്. ദീര്‍ഘകാല സാമ്പത്തിക ലക്ഷ്യങ്ങളുള്ള നിക്ഷേപകര്‍ക്കും വിപണിയിലെ റിസ്‌ക്കുകളെടുക്കാന്‍ താത്പര്യമില്ലാത്തവര്‍ക്കും പ്രയോജനപ്പെടുത്താവുന്ന പദ്ധതിയാണിത്.
പ്രതിവര്‍ഷം കിസാന്‍ വികാസ് പത്ര നല്‍കുന്ന കൂട്ടുപലിശ നിരക്ക് 6.9ശതമാനമാണ്. ആയിരം രൂപയുടെ കുറഞ്ഞ നിക്ഷേപമാണ് ഈ പദ്ധതിയിലുള്ളത്. പരമാവധി തുക എത്ര വേണമെങ്കിലും ആകാം. 124 മാസത്തേക്ക് (10 വര്‍ഷവും 4 മാസവും) നിക്ഷേപിക്കുന്ന ഈ തുകയില്‍ നിന്ന് 10 ലക്ഷം വരെ ലഭിക്കും.
തുക പിന്‍വലിക്കാതെ കാലാവധി മുഴുവനും തുടരുകയാണെങ്കില്‍ പണം ഇരട്ടിയായി ലഭിക്കും. 10 മാസത്തേക്ക് 6.9ശതമാനം പലിശ നിരക്കില്‍ 5 ലക്ഷം രൂപയാണ് നിങ്ങളുടെ നിക്ഷേപമെങ്കില്‍ 10 ലക്ഷം രൂപയാണ് കാലാവധി കഴിയുമ്പോള്‍ കിട്ടുക. അതായത് ഒരു നിക്ഷേപകന്‍ 124 മാസകാലയളവില്‍ കിസാന്‍ വികാസ് പത്രയില്‍ 50 ലക്ഷം രൂപ നിക്ഷേപിച്ചാല്‍ 1 കോടി രൂപയാണ് നിങ്ങള്‍ക്ക് ലഭിക്കുക.
Story Highlights: Kisan Vikas Patra govt investment scheme
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English