വിഗ്രഹ നിമഞ്ജനത്തിനിടെ മിന്നല് പ്രളയം; പശ്ചിമബംഗാളില് 8 പേര് മുങ്ങിമരിച്ചു
പശ്ചിമ ബംഗാളില് വിഗ്രഹ നിമഞ്ജനത്തിനിടെയുണ്ടായ മിന്നല് പ്രളയത്തില് 8 പേര് മുങ്ങിമരിച്ചു. ജല്പയ്ഗുരി ജില്ലയില് ബുധനാഴ്ച രാത്രിയോടെയാണ് സംഭവം. ദുര്ഗാപൂജയുടെ ഭാഗമായി നടത്തിയ വിഗ്രഹനിമഞ്ജനത്തിനിടെയാണ് ദാരുണ അപകടമുണ്ടായത്.(8 Died in flash flood during idol immersion west bengal)
ഒഴുക്കില്പ്പെട്ട് നിരവധി പേരെ കാണാതായി. മരിച്ചവരില് നാല് പേര് സ്ത്രീകളാണ്. നൂറുകണക്കിനാളുകള് നദിക്കരയില് നടന്ന ചടങ്ങില് പങ്കെടുത്തിരുന്നു. ഇതിനിടയാണ് ശക്തമായ മിന്നല്പ്രളയമുണ്ടായത്. അന്പതോളം പേരെ രക്ഷപെടുത്തിയെന്നും ഇനിയും നിരവധി പേരെ കണ്ടെത്താനുണ്ടെന്നും പൊലീസ് പറഞ്ഞു. പരുക്കേറ്റ 13 പേരെ അടുത്തുള്ള ആശുപത്രിയില് പ്രവേശിപ്പിച്ചിരിക്കുകയാണ്.
Read Also: അരുണാചലില് സൈനിക ഹെലികോപ്റ്റര് തകര്ന്ന് പൈലറ്റ് കൊല്ലപ്പെട്ടു
സ്ഥലത്ത് എന്ഡിആര്എഫ്, എസ്ഡിആര്എഫ് സംഘങ്ങളും പൊലീസും പ്രാദേശിക ഭരണകൂടവും രക്ഷാപ്രവര്ത്തനങ്ങള് ഊര്ജിതമാക്കിയിരിക്കുകയാണ്.
Story Highlights: 8 Died in flash flood during idol immersion west bengal
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here