എൽദോസ് കുന്നപ്പള്ളി എംഎൽഎയ്‌ക്കെതിരായ പരാതി; യുവതി ഇന്ന് മൊഴി നൽകിയേക്കും

എൽദോസ് കുന്നപ്പള്ളി എംഎൽഎയ്‌ക്കെതിരെ മർദ്ദന പരാതി നൽകിയ യുവതി ഇന്ന് എംഎൽഎയ്ക്ക് എതിരെ മൊഴി നൽകിയേക്കും. കോവളം പൊലീസ് സ്റ്റേഷനിൽ എത്തി മൊഴി നൽകുമെന്നും കൂടുതൽ കാര്യങ്ങൾ പറയാനുണ്ടെന്നും യുവതി പൊലീസിനെ അറിയിച്ചു. ( woman give statement against eldhose kunnappally )

യുവതിയെ കാണാനില്ലെന്ന ബന്ധുക്കളുടെ പരാതിയ്ക്ക് പിന്നാലെ ഇന്നലെ വഞ്ചിയൂർ പൊലീസ് സ്റ്റേഷനിൽ യുവതി ഹാജരായിരുന്നു. തന്നെ സുഹൃത്തായ എൽദോസ് കുന്നപ്പള്ളി എംഎൽഎ കോവളത്ത് വച്ച് അകാരണമായി മർദ്ദിച്ചെന്നാണ് കഴിഞ്ഞമാസം 22 ന് യുവതി നൽകിയ പരാതിയിൽ പറഞ്ഞിരുന്നത്.

എന്നാൽ ഇതിന് ശേഷം സംഭവത്തിൽ മൊഴി നൽകാൻ യുവതി തയ്യാറായിരുന്നില്ല. ഇതിനെ തുടർന്ന് പൊലീസ് പരാതിയിൽ എഫ്‌ഐആർ രജിസ്റ്റർ ചെയ്യാതെ മുന്നോട്ടുപോവുകയായിരുന്നു.

Story Highlights: woman give statement against eldhose kunnappally