Advertisement

‘വെല്ലുവിളികളെ ജീവിതം കൊണ്ട് വിജയിച്ച രണ്ടുപേർ’; അൽ മുഫ്തയെ കാണാൻ അസീം വെള്ളിമണ്ണ ഖത്തറിൽ

November 28, 2022
2 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

വെല്ലുവിളികളെ ജീവിതം കൊണ്ട് വിജയിച്ച രണ്ടുപേരുടെ സുന്ദര കൂടിക്കാഴ്ച. ഖത്തർ ലോകകപ്പിന്റെ ഉദ്ഘാടന വേദിയിൽ തിളങ്ങിയ ഗാനിം അൽ മുഫ്തയെ കാണാൻ കേരളത്തിൽ നിന്നും അസീം വെള്ളിമണ്ണ എത്തി. അൽ വക്രയിലെ ഗാനിമിന്റെ വീട്ടിലാണ് അസീം എത്തിയത്.(ghanim al muftah shone meets aseem vellimanna)

വെല്ലുവിളികൾ ജീവിതം കൊണ്ട് ജയിച്ച രണ്ട് പേരുടെ കൂടിക്കാഴ്‌ചയായിരുന്നു അത്. ഖത്തർ ലോകകപ്പിന്റെ ഉദ്ഘാടന ചടങ്ങിൽ ഏവരുടെയും ശ്രദ്ധയാകർഷിച്ച ഭിന്നശേഷക്കാരനായ ഗാനിം അൽ മുഫ്തയാണ് ഒരാൾ. മലയാളികൾക്ക് സുപരിചിതനായ അസീം വെള്ളിമണ്ണയാണ് രണ്ടാമൻ. അൽവക്രയിലെ ഗാനിമിന്റെ വീട്ടിലായിരുന്നു കൂടിക്കാഴ്ച്ച. ഗാനിമിനെ ഇന്ത്യയിലേക്ക് ക്ഷണിക്കാനും അസീം മറന്നില്ല.

Read Also: പ്രണയക്കൊലകൾക്കെതിരെ ചർച്ചകളുയർത്തി ‘ഹയ’

ലോകകപ്പിന്റെ ഫൈനല്‍ കാണാനും അസീമിന് അതിയായ ആഗ്രഹമുണ്ട്‌. സൗകര്യമായൊരുക്കാമെന്ന് ഗാനിമിന്റെ ഉറപ്പ്. ഭിന്നശേഷിക്കാരായ കുട്ടികളുടെ ഉന്നമനത്തിനായി പ്രവർത്തിക്കുന്ന അസീം ഫൗണ്ടേഷനുമായി സഹകരിക്കാമെന്നും ഗാനിം വാക്കുനൽകി.

ഹോളിവുഡ് നടൻ മോർഗൻ ഫ്രീമാനൊപ്പമാണ് ലോകകപ്പ് ഉദ്ഘാടനച്ചടങ്ങിൽ ഖത്തറി ബാലൻ ഗാനിം അൽ മുഫ്ത തിളങ്ങിയത്. ഖത്തറിലെ അറിയപ്പെടുന്ന യൂട്യൂബറാണ്. ഇരുപതുകാരനായ ഗാനിം പ്രചോദനപ്രഭാഷണങ്ങൾ കൊണ്ട് ശ്രദ്ധേയനാണ്. കോഡൽ റിഗ്രെഷൻ സിൻഡ്രോം ബാധിതനായതിൽ ഗാനിമിന്റെ അരയ്ക്കു താഴേക്ക് ശാരീരിക വളർച്ചയില്ല. ഖത്തർ ലോകകപ്പിന്റെ അംബാസഡർമാരിലൊരാൾ കൂടിയാണ് ഗാനിം. അസോസിയേഷൻ ഓഫ് ഗാനിം എന്ന കൂട്ടായ്മയിലൂടെ കാരുണ്യപ്രവർത്തനങ്ങളും നടത്തുന്നുണ്ട്.

Story Highlights : ghanim al muftah shone meets aseem vellimanna

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement