ചികിത്സക്കായി നാട്ടിലെത്തിയ ദീർഘകാല ബഹ്റൈൻ പ്രവാസി നിര്യാതനായി

ആരോ​ഗ്യപ്രശ്നങ്ങൾ മൂലം ചികിത്സക്കായി നാട്ടിലെത്തിയ ദീർഘകാല ബഹ്റൈൻ പ്രവാസി നിര്യാതനായി. കാഞ്ഞങ്ങാട് പടിഞ്ഞാറെ മഹല്ല് സ്വദേശി പഴയ വീട്ടിൽ ഇസ്മായിൽ (52) ആണ് മരിച്ചത്.

ഇദ്ദേഹം പരിയാരം മെഡിക്കൽ കോളജ് ഹോസ്പിറ്റലിൽ ബൈപ്പാസ് സർജറിക്ക് വിധേയനായിരുന്നു. ആലിയിൽ കോൾഡ് സ്റ്റോർ നടത്തുകയായിരുന്നു ഇസ്മായിൽ. 10 ദിവസം മുമ്പാണ് ഇസ്മായിൽ ചികിത്സക്കായി നാട്ടിലെത്തിയത്. 30 വർഷമായി ബഹ്റൈനിലുള്ള ഇദ്ദേഹം സമസ്ത ബഹ്‌റൈന്റെ സജീവ പ്രവർത്തകനുമാണ്.

Story Highlights: Bahrain expatriate Ismayil passed away