ബിജെപി പരിപാടിയിൽ ഹനുമാനെ അവഹേളിച്ചു; ശുദ്ധീകരിക്കാനായി ഗംഗാജലം തളിച്ച് കോൺഗ്രസ്: വിഡിയോ

ബിജെപി നടത്തിയ പരിപാടിയിൽ ഹനുമാനെ അവഹേളിച്ചു എന്ന ആരോപണവുമായി കോൺഗ്രസ്. ശുദ്ധീകരിക്കാനായി കോൺഗ്രസ് പ്രവർത്തകൻ ഗംഗാജലം തളിച്ചു. മധ്യപ്രദേശിലാണ് സംഭവം. ഹിന്ദു ധർമം അവഹേളിക്കപ്പെട്ടതിനാൽ ഹനുമാൻ ചാലിസ ചൊല്ലാൻ മധ്യപ്രദേശ് കോൺഗ്രസ് നേതാവ് കമൽ നാഥ് പ്രവർത്തകർക്ക് നിർദ്ദേശം നൽകി. (hanuman insult bjp congress)

बीजेपी नेताओं ने किया हनुमान जी का अपमान :

रतलाम में भाजपा के बीजेपी विधायक चैतन्य कश्यप और महापौर प्रह्लाद पटेल ने हनुमान जी की मूर्ति स्टेज पर रखकर अश्लीश कार्यक्रम का आयोजन किया।

शिवराज जी,
भाजपा बार-बार हिन्दुओं का अपमान क्यों करती है❓ pic.twitter.com/C4FWb2i72N

— MP Congress (@INCMP) March 6, 2023

മാർച്ച് 4, 5 തീയതികളിൽ രത്‌ലമിൽ വച്ച് നടന്ന 13ആമത് മിസ്റ്റർ ജൂനിയർ ബോഡിബിൽഡിങ്ങ് മത്സരത്തിനിടെ ഹനുമാൻ്റെ ചിത്രത്തിനു മുന്നിൽ വനിതാ ബോഡിബിൽഡർമാർ പോസ് ചെയ്തതുമായി ബന്ധപ്പെട്ടാണ് വിവാദം. ഇതിനു പിന്നാലെ കോൺഗ്രസ് പ്രവർത്തകർ വേദി ശുദ്ധീകരിക്കാനായി ഗംഗാജലം തളിച്ചു. അവർ ഹനുമാൻ ചാലിസ ചൊല്ലുകയും ചെയ്തു. ഇതിനു പിന്നാലെയാണ് കമൽ നാഥിൻ്റെ ഇടപെടൽ.

Read Also: രാഹുൽ ഗാന്ധി വിവാഹം കഴിക്കാത്തത് കുട്ടികൾ ഉണ്ടാവാത്തതിനാൽ; അധിക്ഷേപവുമായി ബിജെപി നേതാവ്

‘രത്‌ലമിൽ ബിജെപി നടത്തിയ പരിപാടിക്കിടെ ബജ്റംഗ്ബലി ദേവൻ എങ്ങനെയാണ് അവഹേളിക്കപ്പെട്ടതെന്ന് നമ്മൾ കണ്ടു. ഹിന്ദു ധർമം അവഹേളിക്കപ്പെട്ടത് എൻ്റെ ഹൃദയത്തെ വേദനിപ്പിക്കുന്നു. രാമായണത്തിൻ്റെ സുന്ദരകാണ്ഡവും ഹനുമാൻ ചാലിസയും ചൊല്ലി പൈശാചിക പ്രതിമകൾ കത്തിച്ച് നന്മയെ ഉണർത്താൻ ഞാൻ ആഹ്വാനം ചെയ്യുന്നു. ഇന്ന് രാത്രിയിലെ ഹോളിക ദഹനിൽ എല്ലാവരും പങ്കെടുക്കുക.’- അദ്ദേഹം ട്വീറ്റ് ചെയ്തു.

कांग्रेस पार्टी के प्यारे साथियो,
आज मंगलवार को होलिका दहन का पावन पर्व है। इस दिन सभी बुराइयों को जलाकर भस्म कर देने की सनातन धर्म की परंपरा है। हाल ही में हमने एक बहुत बड़ी बुराई देखी कि किस तरह रतलाम में भारतीय जनता पार्टी के कार्यक्रम में भगवान बजरंगबली का अपमान किया गया।

— Kamal Nath (@OfficeOfKNath) March 7, 2023

ബോഡിബിൽഡിങ്ങ് പരിപാടിയിലെ ക്ഷണക്കത്ത് പ്രകാരം ബിജെപി മേയർ പ്രഹ്ലാദ് പട്ടേൽ ഉൾപ്പെടെയുള്ളവർ സംഘാടക സമിതിയിലുണ്ടായിരുന്നു.

Story Highlights: hanuman insult bjp bodybuilders congress