സിസിടിവി ദൃശ്യം കേന്ദ്രീകരിച്ച് അന്വേഷണം; ട്രെയിന് തീവെയ്പ്പ് കേസിലെ പ്രതിയെ ഉടന് പിടികൂടുമെന്ന് റെയില്വേ ഐജി
എലത്തൂരില് ട്രെയിനിന് തീവച്ച കേസില് പ്രതികളെ ഉടന് പിടികൂടുമെന്ന് റെയില്വേ ഐജി. സിസിടിവി ദൃശ്യങ്ങള് കേന്ദ്രീകരിച്ചാണ് അന്വേഷണം നടക്കുന്നത്. ഇപ്പോള് പ്രതിയെ കുറിച്ച് കൂടുതല് വിവരങ്ങള് പുറത്തുവിടാന് കഴിയില്ല. അന്വേഷണത്തിന് എല്ലാ സഹായങ്ങളും തങ്ങള്ക്ക് ലഭിക്കുന്നുണ്ടെന്നും പ്രതിയെ ഉടന് പിടികൂടാന് കഴിയുമെന്ന് ആത്മവിശ്വാസമുണ്ടെന്നും റെയില്വേ ഐജി വ്യക്തമാക്കി.(Railway IG about train fire case Elathur)
കേസില് അന്വേഷണം മറ്റ് സംസ്ഥാനങ്ങളിലേക്ക് കൂടി വ്യാപിപ്പിക്കുകയാണ് പൊലീസ്. ഉത്തര്പ്രദേശ്, ഹരിയാന, ഡല്ഹി തുടങ്ങിയ സംസ്ഥാനങ്ങളിലെ വിവിധ ഇടങ്ങള് കേന്ദ്രീകരിച്ചാണ് ഇപ്പോള് അന്വേഷണം.
കേരള പൊലീസ് നല്കിയ വിവരത്തിന്റെ അടിസ്ഥാനത്തിലാണ് മറ്റ് സംസ്ഥാനങ്ങളിലേക്ക് പ്രതിക്കായി തെരച്ചില് ഊര്ജിതമാക്കിയത്. നോയിഡയിലെ ചില ജിമ്മുകളില് അടക്കമെത്തി ഉത്തര്പ്രദേശ് പൊലീസ് വിവരം തേടിയിട്ടുണ്ട്.
Read Also: ശശീന്ദ്രനെ മകന് കടലക്കറിയില് വിഷം ചേര്ത്ത് കൊന്നത് തന്നെ; പിന്നില് അച്ഛനോടും രണ്ടാനമ്മയോടും ഉണ്ടായിരുന്ന പക
കേസ് അന്വേഷിക്കാന് പ്രത്യേക സംഘത്തെ സംസ്ഥാന പൊലീസ് മേധാവി നിയോഗിച്ചിരുന്നു. ക്രമസമാധാനവിഭാഗം എ.ഡി.ജി.പി അജിത് കുമാറിനൊപ്പം മലപ്പുറം ക്രൈംബ്രാഞ്ച് എസ്.പി പി.വിക്രമന് ഉള്പ്പെടെ 18 അംഗങ്ങളാണ് സംഘത്തിലുള്ളത്.ഭീകരവിരുദ്ധ സേന ഡിവൈഎസ്.പി ബൈജു പൗലോസ്, കോഴിക്കോട് ടൗണ് അസിസ്റ്റന്റ് കമ്മീഷണര് പി.ബിജുരാജ്, താനൂര് ഡിവൈഎസ്.പി വി.വി.ബെന്നി എന്നിവര് അംഗങ്ങളാണ്. കൂടാതെ വിവിധ സ്റ്റേഷനുകളിലെ ഇന്സ്പെക്ടര്മാര്, സബ് ഇന്സ്പെക്ടര്മാര് എന്നിവരും മറ്റ് പൊലീസ് ഉദ്യോഗസ്ഥരും സംഘത്തിലുണ്ട്.
Story Highlights: Railway IG about train fire case Elathur
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here