ഒഡിഷയിലെ ട്രെയിന്‍ ദുരന്തം: മരണം 70 കടന്നു; 400ലേറെ പേര്‍ക്ക് പരുക്ക്

കോറമണ്ഡല്‍ എക്‌സ്പ്രസ് ചരക്കുതീവണ്ടിയില്‍ ഇടിച്ചുണ്ടായ അപകടത്തില്‍ മരണം 70 കടന്നെന്ന് അനൗ ദ്യോഗിക റിപ്പോര്‍ട്ട്. അപകടത്തില്‍ 400ലേറെ പേര്‍ക്ക് പരുക്കേറ്റെന്നാണ് വിവരം. ട്രെയിന്‍ ബോഗികള്‍ക്കുള്ളില്‍ നിരവധി പേര്‍ കുടുങ്ങിക്കിടക്കുന്നുണ്ടെന്നാണ് വിവരം. ബോഗികള്‍ ഉയര്‍ത്തിയാല്‍ മാത്രമേ കാണാതായവര്‍ക്കുവേണ്ടിയുള്ള തെരച്ചില്‍ ഊര്‍ജിതമാക്കാന്‍ സാധിക്കൂ എന്നതാണ് നിലവിലെ സാഹചര്യം. രാത്രി ആയതിനാല്‍ ഇരുട്ട് ഉള്‍പ്പെടെയുള്ള വെല്ലുവിളികള്‍ രക്ഷാപ്രവര്‍ത്തനത്തെ ദുര്‍ഘടമാക്കുന്നുണ്ട്. (at least 70 people died in Odisha train accident)

പശ്ചിമ ബംഗാളിലെ ഷാലിമാര്‍ സ്റ്റേഷനില്‍ നിന്ന് ഉച്ചയ്ക്ക് ശേഷം 3.30നാണ് ട്രെയിന്‍ പുറപ്പെട്ടത്. നാളെ വൈകീട്ട് 4.50നാണ് ട്രെയിന് ചെന്നൈയില്‍ എത്തേണ്ടിയിരുന്നത്. എന്നാല്‍ ഇന്ന് വൈകീട്ട് 6.30ഓടെ അപകടമുണ്ടാവുകയായിരുന്നു. പാളം തെറ്റിയ ബോഗികള്‍ പിന്നീട് മറ്റൊരു ട്രാക്കിലേക്ക് വീണു. ഇതിലേക്ക് യശ്വന്ത്പൂര്‍ ഹൗറ ട്രെയിനും വന്നിടിച്ചു. കോറമണ്ഡല്‍ എക്‌സ്പ്രസിന്റെ എട്ട് ബോഗികളാണ് പാളം തെറ്റിയത്. നിരവധി പേര്‍ സ്ഥലത്ത് കുടുങ്ങിക്കിടക്കുന്നതായാണ് റിപ്പോര്‍ട്ട്. കുടുങ്ങിക്കിടക്കുന്നവരെ പുറത്തെടുത്ത് ആശുപത്രിയിലെത്തിക്കുന്നതിനുള്ള രക്ഷാപ്രവര്‍ത്തനം പുരോഗമിക്കുകയാണ്.

Read Also: ഒഡിഷയിലെ തീവണ്ടി ദുരന്തം; അറിഞ്ഞിരിക്കേണ്ട ചില ഹെല്‍പ്പ് ലൈന്‍ നമ്പരുകള്‍

രക്ഷാപ്രവര്‍ത്തനത്തിനായി കൂടുതല്‍ എന്‍ഡിആര്‍എഫ് സംഘം ഒഡിഷയിലേക്ക് പുറപ്പെട്ടിട്ടുണ്ട്. തൃശൂര്‍ സ്വദേശികളായ നാലുപേര്‍ക്കും അപകടത്തില്‍ പരുക്കേറ്റു. ഇവരുടെ പരുക്ക് സാരമുള്ളതല്ലെന്നാണ് റിപ്പോര്‍ട്ട്.

Story Highlights: at least 70 people died in Odisha train accident