വധശിക്ഷക്ക് വിധിക്കപ്പെട്ട മലയാളികളെ ജീവതത്തിലേക്ക് തിരികെയെത്തിച്ചു; പ്രവാസികളെ ചേര്ത്തുപിടിച്ച നേതാവാണ് ഉമ്മന്ചാണ്ടിയെന്ന് ദമാം മീഡിയ ഫോറം
പ്രവാസി സമൂഹത്തിന്റെ വിവിധ പ്രശ്നങ്ങളില് തനിക്ക് അധികാരമുള്ളപ്പോഴും ഇല്ലാത്തപ്പോഴും ഇപെടലുകള് നടത്തി പരിഹാരം കണ്ട നേതാവായിരുന്നു മുന് മുഖ്യമന്ത്രി ഉമ്മന്ചാണ്ടിയെന്ന് ദമാം മീഡീയ ഫോറം. ദമാം വധ ശിക്ഷക്ക് വിധിക്കപ്പെട്ടിരുന്ന പ്രവാസി മലയാളികളെ ദിയാധനം നല്കി വധ ശിക്ഷയില് രക്ഷപ്പെടുത്തിയത് പ്രവാസി സമൂഹം എന്നും സ്മരിക്കുമെന്ന് ദമാം മീഡീയ ഫോറത്തിന്റെ അനുശോചന സന്ദേശത്തില് പറഞ്ഞു. ഉമ്മന് ചാണ്ടിയുടെ ദമാം സന്ദര്ശന വേളയിലായിരുന്നു മീഡിയ ഫോറം ഓഫീസ് ഉല്ഘാടനം ചെയ്യപ്പെട്ടത്.
ജാതിമതചിന്തകള്ക്കപ്പുറം ഓരോ മനുഷ്യന്റെയും സങ്കടങ്ങളും പ്രയാസങ്ങളും പ്രശ്നങ്ങളും പരിഹരിക്കപ്പെടണമെന്ന ചിന്ത ഉമ്മന്ചാണ്ടിയുടെ മനസില് ആഴത്തില് വേരൂന്നിയിരുന്നു. ആ ചിന്തയാണ് പില്ക്കാലത്ത് ഉമ്മന്ചാണ്ടിയെന്ന നേതാവിന്റെ ഉയര്ച്ചയ്ക്ക് അടിത്തറയായത്. എല്ലാ മതവിഭാഗങ്ങള്ക്കും ജാതികള്ക്കും ഉമ്മന്ചാണ്ടി ഒരുപോലെ അഭികാമ്യനായിരുന്നു. എല്ലാവര്ക്കും ‘നമ്മുടെ ആള്’ എന്നു തോന്നുന്ന രീതിയിലാണ് ഉമ്മന്ചാണ്ടി പ്രവര്ത്തിച്ചതും ജനക്കൂട്ടത്തിനു നടുവില് നിലകൊണ്ടതും.
Read Also: ജന്മനാട്ടിലേക്ക് കുഞ്ഞൂഞ്ഞിന് മടക്കം; സംസ്കാര ചടങ്ങിന്റെ സമയം വൈകില്ലെന്ന് കെ സി ജോസഫ്
വന്കിട വികസന പദ്ധതികള്ക്ക് രൂപം നല്കുന്ന മുഖ്യമന്ത്രിയായി ഒരുവശത്തും അനേകരുടെ കണ്ണീരൊപ്പുന്ന ജനസമ്പര്ക്ക പരിപാടിയുമായി മറുവശത്തും ഒരേപോലെ പ്രവര്ത്തിക്കാന് കഴിഞ്ഞു എന്നതാണ് രാഷ്ട്രീയരംഗത്ത് ദീപസ്തംഭമായി തിളങ്ങിനില്ക്കാന് ഉമ്മന്ചാണ്ടിയെ പ്രാപ്തനാക്കിയത്. ഉമ്മന്ചാണ്ടി ഓര്മ്മയാകുമ്പോള് കേരളത്തിന്റെ പ്രിയപുത്രന് മടങ്ങിപ്പോയതിന്റെ ആഘാതമാവും രാഷ്ട്രീയത്തിനതീതമായി ഏവരിലും നിറയുകയെന്ന് ദമാം മീഡീയ ഫോറം ഭാരവാഹികള് അനുശോചന് സന്ദേശത്തില് പറഞ്ഞു.
Story Highlights: Dammam Media Forum remember Oommen Chandy
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here