കോട്ടയത്തെ കേരള കോൺഗ്രസ് സ്ഥാനാർത്ഥിയെ ഇന്ന് പ്രഖ്യാപിച്ചേക്കും

കോട്ടയം സീറ്റിലെ സ്ഥാനാർത്ഥിയെ കേരള കോൺഗ്രസ് ഇന്ന് പ്രഖ്യാപിച്ചേക്കും. വൈകുന്നേരം കോട്ടയത്ത് പാർട്ടി ചെയർമാൻ പിജെ ജോസഫ് തന്നെ സ്ഥാനാർത്ഥിയെ പ്രഖ്യാപിക്കും. ഫ്രാൻസിസ് ജോർജ്ജ് സ്ഥാനാർത്ഥിയായേക്കുമെന്നാണ് സൂചന. കെ എം മാണിയുടെ മരുമകൻ എംപി ജോസഫും പിസി തോമസും പരിഗണനയിലുണ്ട്.

യുഡിഎഫിൽ കോട്ടയം സീറ്റിന്റെ കാര്യത്തിൽ തീരുമാനിയിട്ടുണ്ട്. നേരത്തെ കോൺഗ്രസ്, സീറ്റ് ഏറ്റെടുക്കാനുള്ള നീക്കം നടത്തിയെങ്കിലും കടുത്ത എതിർപ്പിനെ തുടർന്ന് അത് വേണ്ടെന്ന് വെക്കുകയായിരുന്നു.

അതേസമയം, തോമസ് ചാഴിക്കാടന്റെ പ്രചരണ പരിപാടികൾ നാലാം ദിവസത്തിലേക്ക് കടന്നു. പ്രമുഖരെ നേരിട്ട് കണ്ട് പിന്തുണ ഉറപ്പാക്കുന്ന തിരക്കിലാണ് ചാഴിക്കാടൻ.

Story Highlights: kerala congress candidate kottayam today