ഓട്ടോയിൽ നിന്ന് ഒമ്പത് മാസം പ്രായമുളള കുഞ്ഞിനെ എറിഞ്ഞ് കൊന്ന്, അമ്മയെ കൂട്ടബലാത്സംഗം ചെയ്തു

ഓട്ടോയിൽ നിന്ന് ഒമ്പത് മാസം പ്രായം വരുന്ന പിഞ്ചു കുഞ്ഞിനെ വലിച്ചെറിഞ്ഞ് അമ്മയെ കൂട്ട ബലാത്സംഗം ചെയ്തു. ഹരിയാനയിലെ ഗുരുഗ്രാമിലാണ് ഈ ദാരുണ സംഭവം. ഗുരുതരമായി പരിക്കേറ്റ കുഞ്ഞ് മരിച്ചു. ഭർത്താവുമായി വഴക്കിട്ട യുവതി ഓട്ടോയിൽ സ്വന്തം വീട്ടിലേക്ക് പോകുമ്പോഴായിരുന്നു സംഭവം.

യുവതി ഓട്ടോയിൽ കയറുമ്പോൾ മറ്റ് മൂന്ന് പേർ ഓട്ടോയിൽ ഉണ്ടായിരുന്നു. യാത്ര തുടങ്ങി കുറച്ച് കഴിഞ്ഞപ്പോൾ ഇവർ ഉപദ്രവിക്കാനും ശല്യപ്പെടുത്താനും ആരംഭിച്ചു. എതിർത്തതോടെ ഉപദ്രവം കൂടുകയും കുഞ്ഞ് കരയാൻ ആരംഭിക്കുകയും ചെയ്തു. അപ്പോൾ കുട്ടിയെ സംഘം ഓട്ടോയിൽ നിന്ന് വലിച്ചെറിഞ്ഞശേഷം ഡൽഹി-ഗുരുഗ്രാം എക്സ്പ്രസ് റോഡിൽ വച്ച് തന്നെ കൂട്ടബലാത്സംഗം ചെയ്യുകയായിരുന്നു എന്നാണ് യുവതി പോലീസിന് നൽകിയ മൊഴി. ഐഎംടി സ്വദേശിയാണ് യുവതി. സംഭവവുമായി ബന്ധപ്പെട്ട് നാല് പേരെ പോലീസ് കസ്റ്റഡിയിൽ എടുത്തിട്ടുണ്ട്.