ഉമ്മന്‍ ചാണ്ടിയുടെ ഓഫീസിന് വീഴ്ച പറ്റിയെന്ന് സോളാര്‍ കമ്മീഷന്‍

സോളാര്‍ കേസില്‍ അന്നത്തെ മുഖ്യമന്ത്രിയായിരുന്ന ഉമ്മന്‍ ചാണ്ടിയുടെ ഓഫീസിന് വീഴ്ച പറ്റിയെന്ന് ഇന്ന് കമ്മീഷന്‍ സമര്‍പ്പിച്ച റിപ്പോര്‍ട്ടിലുണ്ടെന്ന് സൂചന. റിപ്പോര്‍ട്ടിന്റെ ഒരു ഭാഗം ഉമ്മന്‍ ചാണ്ടിയെ കുറിച്ചാണ് പരാമര്‍ശിക്കുന്നത്.
കേരള രാഷ്ട്രീയത്തെ പിടിച്ച് കുലുക്കിയ സോളാര്‍ കേസിന്റെ റിപ്പോര്‍ട്ട് അല്‍പം മുമ്പാണ് അന്വേഷണ കമ്മീഷന്‍ മുഖ്യമന്ത്രിയ്ക്ക് സമര്‍പ്പിച്ചത്. ജസ്റ്റിസ് കെ ശിവരാജന്‍ സെക്രട്ടറിയേറ്റില്‍ മുഖ്യമന്ത്രിയുടെ ഓഫീസിലെത്തിയാണ് റിപ്പോര്‍ട്ട് സമര്‍പ്പിച്ചത്. നാല് വോള്യം ഉള്ള റിപ്പോര്‍ട്ടാണ് സമര്‍പ്പിച്ചത്.