അമീറുള്ളിന്റെ പ്രത്യേക ഹര്‍ജി കോടതി തള്ളി

ജിഷ വധക്കേസിലെ ഏക പ്രതി അമീറുള്‍ ഇസ്ലാം കോടതിയില്‍ പ്രത്യേക ഹര്‍ജി നല്‍കി. എന്നാല്‍ ഹര്‍ജി കോടതി തള്ളി. തന്റെ ഭാഷ അറിയുന്ന ആളുകള്‍ കേസ് അന്വേഷിക്കണമെന്നാണ് അമീറുള്ളിന്റെ ഹര്‍ജിയില്‍ ഉണ്ടായിരുന്നത്. കുറ്റക്കാരനാണെന്ന് കോടതി കണ്ടെത്തിയതിനെ തുടര്‍ന്ന് അന്തിമ വാദമാണ് നടക്കുന്നത് ഇപ്പോള്‍ ഇത്തരം ഹര്‍ജി നല്‍കേണ്ട സമയം അല്ലെന്നാണ് കോടതി അഭിപ്രായപ്പെട്ടത്. കേസില്‍ അസ്സം ഭാഷ അറിയുന്നവരെ ഉള്‍പ്പെടുത്തി കേസ് പുനഃരന്വേഷിക്കണമെന്നാണ് അമീറുള്‍ ഹര്‍ജിയില്‍ ആവശ്യപ്പെട്ടത്.