ചെങ്ങന്നൂരില്‍ എന്‍ഡിഎയ്ക്കു തിരിച്ചടി നേരിടേണ്ടി വരും; തുഷാര്‍

ചെങ്ങന്നൂരിലെ മുന്‍ തിരഞ്ഞെടുപ്പ് ഫലവുമായി താരതമ്യം ചെയ്യുമ്പോള്‍ ഇത്തവണത്തെ ഉപതിരഞ്ഞെടുപ്പില്‍ എന്‍ഡിഎ മുന്നണിക്ക് വോട്ട് കുറയുമെന്ന് തുഷാര്‍ വെള്ളാപ്പള്ളി. ബിജെപിയുടെ ചില നിലപാടുകള്‍ മുന്നണിയെ ശിഥിലമാക്കുമെന്നും തുഷാര്‍ തുറന്നടിച്ചു. എന്‍ഡിഎ സംസ്ഥാന കമ്മിറ്റി സജീവമായി പ്രവര്‍ത്തിക്കുന്നില്ല. ബിഡിജെഎസ് ബോര്‍ഡ് കോര്‍പ്പറേഷന്‍ സ്ഥാനം ആവശ്യപ്പെട്ട് 14 പേരുടെ പട്ടിക എന്‍ഡിഎ നേതൃത്വത്തിന് നല്‍കിയിരുന്നു. ഒന്നര വര്‍ഷക്കാലമായി ബിഡിജെഎസ് നല്‍കിയ പട്ടികയെ കുറിച്ച് യാതൊരു നിലപാടും മുന്നണി സ്വീകരിച്ചിട്ടില്ല. എന്‍ഡിഎ മുന്നണിയില്‍ വലിയ തോതില്‍ അഭിപ്രായ വ്യത്യാസമുണ്ടെന്നും തുഷാര്‍ വെള്ളാപ്പള്ളി വിമര്‍ശനമുന്നയിച്ചു.