ആറന്മുള വള്ളസദ്യക്ക് തുടക്കമായി

ചരിത്ര പ്രസിദ്ധമായ ആറന്മുള വള്ളസദ്യക്ക് തുടക്കമായി.

വള്ളസദ്യകളുടെ ഔദ്യോഗിക ഉദ്‌ഘാടനം തിരുവിതാംകൂർ ദേവസ്വം ബോർഡ് പ്രസിഡണ്ട് എ. പത്മകുമാർ നിർവഹിച്ചു.

മാരാമൺ തെക്കേമുറി കോയിപ്പുറം എന്നീ മൂന്ന് പള്ളിയോടങ്ങൾക്കാണ് ഇന്ന് വഴിപാട് നടക്കുക. വഴിപാട് നടത്തുന്ന ആൾ പള്ളിയോട കരക്കാരെ ക്ഷണിക്കുന്നതോടെയാണ് ചടങ്ങുകൾക്ക് തുടക്കമായത്.

ക്ഷേത്ര നടയിൽ പാര്‍ത്ഥസാരഥി പള്ളിയോടത്തിനും ഓരോ നിറപറയും സമർപ്പിച്ചു.