മുരുകന്റെ കുടുംബത്തിന് ധനസഹായം; പിണറായിയെ പ്രശംസിച്ച് വൈകോ

ആശുപത്രികളിൽ ചികിത്സ നിഷേധിച്ചതിനെ തുടർന്ന് ചികിത്സ കിട്ടാതെ മരിച്ച മുരുകന്റെ കുടുംബത്തെ സഹായിച്ച കേരള സർക്കാരിനെ പ്രശംസിച്ച് തമിഴ്‌നാട് എംഡിഎംകെ നേതാവ് വൈകോ. സർക്കാർ കാണിച്ചത് മാതൃകാപരമെന്ന് വൈകോ മുഖ്യമന്ത്രി പിണറായി വിജയനെ നേരിട്ട് ഫോണിൽ വിളിച്ച് അറിയിച്ചു.

മുരുകന്റെ കുടുംബത്തിന് പത്ത് ലക്ഷം രൂപ ധനസഹായം നൽകാൻ കഴിഞ്ഞ മന്ത്രിസഭാ യോഗത്തിൽ തീരുമാനിച്ചിരുന്നു. മുഖ്യമന്ത്രിയെ മുരുകന്റെ കുടുംബം സന്ദർശിച്ചതിന് തൊട്ട് പിന്നാലെയാണ് മന്ത്രിസഭ ധനസഹായം പ്രഖ്യാപിച്ചത്.
മുരുകന് ചികിത്സ നിഷേധിച്ച സംഭവത്തിൽ മുഖ്യമന്ത്രി നിയമസഭയിലും സോഷ്യൽ മീഡിയയിലും ഖേദം പ്രകടിപ്പിച്ചിരുന്നു.