ഹാദിയ ഡല്‍ഹിയിലേക്ക് തിരിച്ചു

ഹാദിയ ഡല്‍ഹിയിലേക്ക് തരിച്ചു. വൈക്കത്തെ വീട്ടില്‍ നിന്ന്  നെടുമ്പാശ്ശേരിയിലേക്ക് കനത്ത പോലീസ് സംരക്ഷണയിലാണ് ഹാദിയ യാത്ര തിരിച്ചത്.അച്ഛന്‍, അമ്മ എന്നിവര്‍ ഒപ്പമുണ്ട്. സുരക്ഷയ്ക്കായി വൈക്കം ഡിവൈഎസ്പി അടങ്ങുന്ന പോലീസ് സംഘവും ഇവര്‍ക്കൊപ്പം ഡല്‍ഹിയ്ക്ക് തിരിക്കും. 27നാണ് സുപ്രീം കോടതിയില്‍ ഹാജരാകണമെന്ന് നിര്‍ദേശിച്ചിരിക്കുന്നത്. മറ്റന്നാള്‍ ദില്ലിയില്‍ അഭിഭാഷകരുമായി ഇവര്‍ കൂടിക്കാഴ്ച നടത്തും. 27ന് ഉച്ചക്ക് ശേഷം 3 മണിക്കാണ് ഹാദിയ കോടതിയില്‍ നേരിട്ട് ഹാജരാകുക. കേസില്‍ ദേശീയ അന്വേഷണ ഏജന്‍സി സുപ്രീംകോടതിയില്‍ പ്രാഥമിക പരിശോധന റിപ്പോര്‍ട്ട് സമര്‍പ്പിച്ചിട്ടുണ്ട്.
hadiya