ചെക്പോസ്റ്റില്‍ നിന്ന് കള്ളനോട്ട് പിടിച്ച സംഭവം;എന്‍ഐഎ അന്വേഷിക്കും

കൊച്ചി-ധനുഷ്കോടി ദേശീയപാതയില്‍ കള്ളനോട്ടുമായി മൂന്ന് പേര്‍ പിടിയിലായ സംഭവം എന്‍ഐഎ അന്വേഷിക്കും. കഴിഞ്ഞ ദിവസമാണ് ബംഗാളി യുവതികള്‍ അടക്കം മൂന്ന് പേര്‍ അറസ്റ്റിലായത്. പൊന്‍കുന്നം മാളിയേക്കല്‍ അനൂപ് വര്‍ഗ്ഗീസ്, ബംഗാള്‍ സ്വദേശികളും സഹോദരികളുമായ സുഹാന ഷെയ്ക്ക്, സാഹിം എന്നിവരാണ് പിടിയിലായത്. നേര്യമംഗലത്തിന് സമീപം തലക്കോട് ഫോറസ്റ്റ് ചെക്പോസ്റ്റില്‍ നിന്നാണ് ഇവര്‍ പിടിയിലായത്. വഴിമധ്യേ ഇവര്‍ വെള്ളം കുടിച്ച കൂള്‍ബാറിലെ ഉടമയാണ് ഇവരെ പിടികൂടുന്നതിന് സഹായിച്ചത്. ഇവര്‍ ഇവിടെ നല്‍കിയ രണ്ടായിരം രൂപയുടം നോട്ട് കള്ള നോട്ടാണെന്ന് സംശയം തോന്നിയതിനെ തുടര്‍ന്ന് പോലീസിനെ അറിയിക്കുകയായിരുന്നു. 7.50ലക്ഷം രൂപയും രണ്ടായിരത്തിന്റെ 11കള്ളനോട്ടുകളുമാണ് ഇവരില‍്‍ നിന്ന് കണ്ടെടുത്തത്.