സിപിഎം കണ്ണൂര് ജില്ലാ സെക്രട്ടറിയേറ്റില് മാറ്റങ്ങള്
സിപിഎം കണ്ണൂര് ജില്ലാ സെക്രട്ടറിയേറ്റിനെ ഉടച്ചുവാര്ത്തു. പഴയ സെക്രട്ടറിയേറ്റ് അംഗങ്ങളായ അഞ്ചോളം പേരെ ഒഴിവാക്കി 11 അംഗ സെക്രട്ടറിയേറ്റിനെയാണ് കണ്ണൂരില് തിരഞ്ഞെടുത്തിരിക്കുന്നത്. ഇന്നു രാവിലെ സിപിഎം കണ്ണൂർ ജില്ലാ കമ്മിറ്റിയംഗം എം.വി. ജയരാജന്റെ അധ്യക്ഷതയിൽ ചേർന്ന യോഗമാണ് അംഗങ്ങളെ തെരഞ്ഞെടുത്തത്. പി. ജയരാജന്, എം. പ്രകാശന്, എം. സുരേന്ദ്രന്, വത്സന് പനോളി, എന്. ചന്ദ്രന്, കാരായി രാജന് എന്നിവർ ജില്ലാ സെക്രട്ടറിയേറ്റ് അംഗങ്ങളായി തുടരും. ടി.ഐ. മധുസൂദനന്, പി. ഹരീന്ദ്രന്, ടി.കെ. ഗോവിന്ദന് മാസ്റ്റര്, പി. പുരുഷോത്തമന്, പി.വി. ഗോപിനാഥ് എന്നിവരാണ് പുതുതായി തെരഞ്ഞെടുക്കപ്പെട്ട സെക്രട്ടറിയേറ്റ് അംഗങ്ങള്. യുവാക്കള്ക്ക് കൂടുതല് പ്രാതിനിധ്യം ഉറപ്പാക്കിയാണ് സെക്രട്ടറിയേറ്റില് മാറ്റങ്ങള് വരുത്തിയിരിക്കുന്നത്.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here