വരാപ്പുഴ കസ്റ്റഡി മരണം; സിബിഐ അന്വേഷണം ആവശ്യപ്പെട്ട് ശ്രീജിത്തിന്റെ കുടുംബം കോടതിയില്‍

വരാപ്പുഴയില്‍ ശ്രീജിത്തിന്റെ കസ്റ്റഡി മരണത്തില്‍ സിബിഐ അന്വേഷണം ആവശ്യപ്പെട്ട് കുടുംബം ഹൈക്കോടതിയെ സമീപ്പിച്ചു. ഉന്നത ഉദ്യോഗസ്ഥർ ഉൾപ്പെട്ടതിനാൽ പൊലീസ് അന്വേഷണം തൃപ്തികരമല്ലെന്ന് ശ്രീജിത്തിന്റെ ഭാര്യ അഖില പ്രതികരിച്ചു. ഹൈക്കോടതിയിൽ ഇന്നലെ ഹർജി ഫയൽ ചെയ്തു. ശ്രീജിത്തിന്റെ ഭാര്യ അഖിലയാണ് ഹർജി നൽകിയത്.

അതേ സമയം, കസ്റ്റഡി മരണവുമായി ബന്ധപ്പെട്ടുള്ള പ്രത്യേക അന്വേഷണം ഇപ്പോഴും നടക്കുകയാണ്. വരാപ്പുഴ എസ്‌ഐ ദീപക് അടക്കമുള്ളവരെ പ്രത്യേക അന്വേഷണസംഘം കസ്റ്റഡിയില്‍ എടുത്തിട്ടുണ്ട്.