വരാപ്പുഴ കസ്റ്റഡി മരണം; സിഐ അടക്കമുള്ളവരെ പ്രതി ചേര്‍ക്കുന്നതിന് നിയമോപദേശം തേടി

 കസ്റ്റഡി മരണക്കേസിൽ വരാപ്പുഴ സ്റ്റേഷനിലെ എസ് ഐ അടക്കം നാലുപേരെ അറസ്റ്റ് ചെയ്തതിന് പിന്നാലെയാണ് അന്വേഷണ സംഘം സർക്കാർ അഭിഭാഷകരോട് നിയമോപദേശം തേടിയത്. ശ്രീജിത്തിനെ മർദിച്ചവർക്കെതിരെയെല്ലാം കൊലക്കുറ്റം ചുമത്താമെന്നായിരുന്നു നേരത്തേയുളള നിയമോപദേശം. എന്നാൽ അന്വേഷണ ഉദ്യോഗസ്ഥനായ വടക്കൻ പറവൂർ സിഐ, വരാപ്പുഴ എഎസ്ഐ, മൂന്നു പൊലീസുകാർ എന്നിവരുടെ കാര്യത്തിൽ എന്തു നടപടിവേണമെന്നാണ് അന്വേഷണസംഘത്തിന്‍റെ  ആശയക്കുഴപ്പം.

സിഐ ശ്രീജിത്തിനെ മര്‍ദ്ദിച്ചതിന് തെളിവില്ലാത്തതിനാല്‍ കസ്റ്റഡി മരണക്കേസില്‍ സിഐ ക്രിസ്പിനെ കൂടി പ്രതി ചേര്‍ക്കാമോ എന്നതിലാണ് നിയമോപദേശം തേടിയിരിക്കുന്നത്.