കോഴിക്കോട് മിഠായിതെരുവിൽ ഇന്ന് കടകളടച്ചിട്ട് പ്രതിഷേധം

കോഴിക്കോട് മിഠായിതെരുവിൽ ഒരു വിഭാഗം വ്യാപാരികൾ കകളടച്ചിട്ട് പ്രതിഷേധിക്കുന്നു. വാഹന ഗതാഗതം പുനരാരംഭിക്കണമെന്ന് ആവശ്യപ്പെട്ട് ഇന്ന് ഉച്ച വരെ വ്യാപാരി വ്യവസായി ഏകോപന സമിതിയുടെ നേതൃത്വത്തിൽ കടകളടച്ചിട്ട് പ്രതിഷേധിക്കും. എന്നാൽ തീരുമാനത്തിൽ നിന്ന് പിന്നോട്ടില്ലെന്ന നിലപാടിലാണ് കോഴിക്കോട് കോർപ്പറേഷൻ.

നവീകരണത്തോടെ മിഠായിതെരുവിന് പുതിയ മുഖമാണ്. ആളുകൾക്ക് വന്നിരിക്കാൻ ഇരിപ്പിടമുൾപ്പെടെ സജ്ജീകരിച്ചു. വാഹന ഗതാഗതം നിരോധിക്കുകയും ചെയ്തു. നാല് മാസമായി തുടരുന്ന നിരോധനം വ്യാപാര മേഖലയെ പ്രതിസന്ധിയിലാക്കി എന്നാണ് വ്യാപാരികൾ പറയുന്നത്. പരീക്ഷണമെന്ന നിലയിൽ ഏർപ്പെടുത്തിയ നിരോധനം പരാജയമാണെന്ന് വ്യക്തമായ സാഹചര്യത്തിൽ തീരുമാനം പിൻവലിക്കണമെന്നാണ് ആവശ്യം.