കുമാരസ്വാമിയുടെ സത്യപ്രതിജ്ഞയില്‍ മുഖ്യമന്ത്രി പിണറായി വിജയനും പങ്കെടുക്കും

കര്‍ണാടകത്തിലെ മുഖ്യമന്ത്രിയായി എച്ച്.ഡി. കുമാരസ്വാമി സത്യപ്രതിജ്ഞ ചെയ്യുന്ന ചടങ്ങിലേക്ക് കേരള മുഖ്യമന്ത്രി പിണറായി വിജയനും ക്ഷണം. ബുധനാഴ്ച നടക്കുന്ന ചടങ്ങില്‍ പിണറായി വിജയന്‍ പങ്കെടുക്കും. നിയുക്ത കര്‍ണാടക മുഖ്യമന്ത്രി കുമാരസ്വാമിയും അദ്ദേഹത്തിന്റെ പിതാവും മുന്‍ പ്രധാനമന്ത്രിയുമായ ദേവഗൗഡയും പിണറായി വിജയനെ സത്യപ്രതിജ്ഞ ചടങ്ങിലേക്ക് ക്ഷണിച്ചു. പിണറായി വിജയനെ കൂടാതെ നിരവധി ദേശീയ, പ്രാദേശിക നേതാക്കളും ചടങ്ങില്‍ പങ്കെടുക്കും.