നിപ വൈറസ്; വ്യാജ പ്രചരണങ്ങള്‍ക്കെതിരെ നടപടി സ്വീകരിക്കാന്‍ ആരോഗ്യമന്ത്രിയുടെ നിര്‍ദേശം

നിപ വൈറസിന്റെ പേരില്‍ വ്യാജപ്രചരണം നടത്തുന്നവര്‍ക്കെതിരെയും വിഷയത്തില്‍ രാഷ്ട്രീയം കലര്‍ത്തി സമൂഹത്തില്‍ സ്പര്‍ദ്ദ സൃഷ്ടിക്കുന്നവര്‍ക്കെതിരെയും കര്‍ശനമായ നടപടി സ്വീകരിക്കണമെന്ന് ആരോഗ്യമന്ത്രി കെ.കെ. ശൈലജ. സോഷ്യല്‍ മീഡിയയില്‍ വ്യാജപ്രചരണങ്ങള്‍ നടത്തുന്നവര്‍ക്കെതിരെ നടപടി സ്വീകരിക്കണമെന്ന് ആരോഗ്യമന്ത്രി സൈബര്‍ സെല്ലിന് നിര്‍ദേശം നല്‍കിയിട്ടുണ്ട്. സോഷ്യല്‍ മീഡിയ ദുരുപയോഗിച്ച് ജനങ്ങളില്‍ നിപ വൈറസിനെ പറ്റി പലരും തെറ്റിദ്ധാരണ പരത്തുന്നതിനാലാണ് ആരോഗ്യമന്ത്രിയുടെ നടപടി.