കെവിന്‍ വധം; പോലീസുകാര്‍ക്കെതിരെ തെളിവുള്ളത് കൃത്യവിലോപത്തിന് മാത്രമെന്ന് ഐജി

കെവിന്‍ കൊലപാതകത്തില്‍ പോലീസുകാര്‍ക്കെതിരെ നേരിട്ട് തെളിവ് ലഭിച്ചിട്ടില്ലെന്ന് കൊച്ചി റേഞ്ച് ഐജി വിജയ് സാക്കറെ. പോലീസ് ഉദ്യോഗസ്ഥര്‍ കൊലപാതകത്തില്‍ നേരിട്ട് ഭാഗമായിട്ടുണ്ടോ എന്നതിന് തെളിവില്ല. എന്നാല്‍, കെവിനെ തട്ടികൊണ്ടുപോയ വിഷയത്തില്‍ പോലീസിന് വീഴ്ച പറ്റി. കൃത്യവിലോപത്തിന് പോലീസിനെതിരെ തെളിവ് ഉണ്ട്. എന്നാല്‍, കൊലപാതകത്തില്‍ നേരിട്ടുള്ള പങ്കിന് തെളിവില്ല. കൃത്യവിലോപത്തിന് പോലീസുകാര്‍ക്കെതിരെ നടപടി സ്വീകരിക്കുമെന്നും ഐജി വിജയ് സാക്കറെ പറഞ്ഞു. പ്രതികളില്‍ നിന്ന് തെളിവ് രേഖപ്പെടുത്തുകയാണ് അന്വേഷണസംഘം.