മലപ്പുറത്ത് തീരദേശമേഖലയിൽ കടൽക്ഷോഭം രൂക്ഷം; 17 ബോട്ടുകൾ ഒഴുകിപ്പോയി

മലപ്പുറത്ത് തീരദേശമേഖലയിൽ കടൽക്ഷോഭം രൂക്ഷം. പൊന്നാനി, കൂട്ടായി കടലിൽ നങ്കൂരമിട്ട 17 ബോട്ടുകൾ ഒഴുകിപ്പോയി. കടൽഭിത്തിയിലിടിച്ച് ബോട്ടുകൾ തകർന്നും ലക്ഷങ്ങളുടെ നാശനഷ്ടം തീരദേശത്തുണ്ടായി. മലപ്പുറത്ത് തീരദേശമേഖലകളിലാണ് മഴ കനത്തനാശമുണ്ടാക്കിയത്.

കടൽക്ഷോഭം ഇപ്പോഴും തുടരുകയാണ്. പൊന്നാനി കൂട്ടായി കടലിൽ നങ്കൂരമിട്ടിരുന്ന 17 ബോട്ടുകളാണ് കഴിഞ്ഞദിവസം രാത്രിയോടെ ഒഴുകിപ്പോയത്.

ഇതിൽ ആറെണ്ണം ഇതിനകം കരക്കെത്തിച്ചു. കടൽഭിത്തിയിലിടിച്ച് ഭാഗികമായും പൂർണമായും തകർന്ന ബോട്ടുകൾ നിരവധി. ലക്ഷങ്ങളുടെ നഷ്ടമാണ് ഒറ്റരാത്രിയിൽ തീരദേശത്തുണ്ടായത്.