വിജയ് മല്യയ്ക്ക് താമസിക്കാൻ ഫൈവ് സ്റ്റാർ സൗകര്യങ്ങളോടെ ജയിൽമുറി ഒരുങ്ങുന്നു

വായ്പാ തട്ടിപ്പ് നടത്തി രാജ്യം വിട്ട വിജയ മല്യക്ക് താമസിക്കാൻ ഫൈവ്സ്റ്റാർ സുഖസൗകര്യങ്ങളുള്ള ജയിൽ മുറി ഒരുങ്ങുന്നു. മുംബൈയിലെ ആർതർ റോഡ് ജയിലിൽ ബാരക് നമ്പർ 12 ൽ ടിവി, സ്വന്തമായി ശുചിമുറി,വസ്ത്രങ്ങൾ കഴുകാനുള്ള സ്ഥലം,ലൈബ്രറി എന്നിവയാണ് മല്യക്കായ് ഒരുങ്ങുന്നത്.

മുംബൈ ആർതർ റോഡിലുള്ള ജയിലിൽ മതിയായ വെളിച്ചവും വായുവും ലഭിക്കുന്നില്ലെന്ന് മല്യ പരാതിപ്പെട്ടിരുന്നു.തുടർന്ന് ജയിലിലെ വീഡിയോ ദൃശ്യം സമർപ്പിക്കാൻ കോടതി ആവശ്യപ്പെട്ടിരുന്നു. ഇതേതുടർന്നാണ് സിബിഐ ബ്രിട്ടൻ മജിസ്‌ട്രേറ്റ് കോടതിയിൽ എട്ടുമിനിറ്റ് ദൈർഘ്യമുള്ള വീഡിയോ സമർപ്പിച്ചത്.