ബംഗ്ലാദേശില്‍ നാളെ തെരഞ്ഞെടുപ്പ്

ബംഗ്ലാദേശില്‍ ഞായറാഴ്ച (നാളെ) പൊതുതെരഞ്ഞെടുപ്പ് നടക്കും. സംഘര്‍ഷഭരിതമായ തിരഞ്ഞെടുപ്പ് പ്രചാരണങ്ങളായിരുന്നു ഇവിടെ നടന്നത്. വിവാദങ്ങള്‍ക്കിടയിലും ശൈഖ് ഹസീന പ്രധാനമന്ത്രി സ്ഥാനത്തേക്ക് തിരഞ്ഞെടുക്കപ്പെടുമെന്നാണ് അഭിപ്രായസര്‍വേ ഫലങ്ങള്‍. പ്രധാനമന്ത്രി സ്ഥാനത്ത് നാലാമൂഴം തേടുകയാണ് ശൈഖ് ഹസീന.

പരസ്യപ്രചാരണം വെള്ളിയാഴ്ച അവസാനിച്ചതിനുശേഷവും രാജ്യത്ത് സംഘര്‍ഷം തുടരുകയാണ്. ഇന്റര്‍നെറ്റ് സേവനങ്ങള്‍ ഏതാനും മണിക്കൂറുകള്‍ തടസ്സപ്പെട്ടു.

ഭരണകക്ഷിയായ ബംഗ്ലാദേശ് അവാമി ലീഗും പ്രതിപക്ഷ പാര്‍ട്ടികളുടെ കൂട്ടായ്മയായ ജാതീയ ഐക്യമുന്നണിയും തമ്മിലാണ് ബംഗ്ലാദേശില്‍ മത്സരം നടക്കുന്നത്.