മുന്നോക്ക സംവരണ ബില്‍ ദൂരവ്യാപക പ്രത്യാഘാതം ഉണ്ടാക്കും: ഇ.ടി മുഹമ്മദ് ബഷീര്‍

തെരഞ്ഞെടുപ്പ് അടുക്കുമ്പോൾ കേന്ദ്ര സർക്കാർ വൈകാരിക വിഷയങ്ങൾ ഉയർത്തി കൊണ്ടുവരുന്നു എന്ന് ഇ.ടി മുഹമ്മദ് ബഷീർ എം.പി. ഇത് നാടിനെ കുഴപ്പത്തിൽ ചാടിക്കുന്ന നീക്കങ്ങൾ ആണ്. പൗരത്വ ഭേദഗതി ബില്ലും മുന്നോക്ക സംവരണവും ദൂരവ്യാപക പ്രത്യാഘാതം ഉണ്ടാക്കുന്നതാണ്. ബില്ലുകൾക്കെതിരെ മുസ്ലിം ലീഗ് എടുത്തത് ശക്തമായ നിലപാടാണ്. ബില്ലിനെ അനുകൂലിച്ച് വോട്ട് ചെയ്തവര് എന്ത് കൊണ്ട് അനുകൂലിച്ചു എന്ന് അവർ തന്നെ വിശദീകരിക്കട്ടെയെന്നും ഇ.ടി മുഹമ്മദ് ബഷീർ ഡൽഹിയിൽ പറഞ്ഞു.