മറഡോണയുടെ ശസ്ത്രക്രിയ വിജയകരം

ഫുട്‌ബോള്‍ ഇതിഹാസം ഡിയാഗോ മറഡോണയ്ക്കു ആന്തരിക രക്തസ്രാവത്തെ തുടര്‍ന്ന് ശസ്ത്രക്രിയ നടത്തി. ശസ്ത്രക്രിയ വിജയകരമായിരുന്നെന്നും മറഡോണ സുഖം പ്രാപിച്ചുവരുന്നതായും ആശുപത്രി അധികൃതര്‍ അറിയിച്ചു. ശനിയാഴ്ച അര്‍ജന്റീനയുടെ തലസ്ഥാനമായ ബുവാനോസ് ആരീസിലെ ഒലിവോസില്‍ സ്വകാര്യ ആശുപത്രിയിലായിരുന്നു ശസ്ത്രക്രിയ. വയറ്റില്‍ കുടലുവീക്കത്തെ തുടര്‍ന്നാണ് ആന്തരിക രക്തസ്രാവം ഉണ്ടായത്. അമിത ലഹരി ഉപയോഗത്തെ തുടര്‍ന്ന് ഏതാനും വര്‍ഷങ്ങളായി മറഡോണ ആശുപത്രിയില്‍ നിരന്തരം ചികിത്സ തേടിയിരുന്നു.