രഞ്ജിയില്‍ വിദര്‍ഭ 208 ന് പുറത്ത്; 102 റണ്‍സ് ലീഡ്

കേരളത്തിനെതിരായ രഞ്ജി ട്രോഫി ക്രിക്കറ്റ് സെമിഫൈനലില്‍ ഒന്നാം ഇന്നിങ്‌സില്‍ വിദര്‍ഭ 208 റണ്‍സിന് പുറത്തായി. ഇതോടെ വിദര്‍ഭയ്ക്ക് 102 റണ്‍സിന്റെ ഒന്നാം ഇന്നിങ്‌സ് ലീഡ് നേടാനായി. 5 വിക്കറ്റിന് 171 റണ്‍സ് എന്ന നിലയില്‍ രണ്ടാം ദിവസം കളിയാരംഭിച്ച വിദര്‍ഭയ്ക്ക് 37 റണ്‍സ് കൂട്ടിച്ചേര്‍ക്കുന്നതിനിടെ മുഴുവന്‍ വിക്കറ്റുകളും നഷ്ടമാകുകയായിരുന്നു.

75 റണ്‍സെടുത്ത ക്യാപ്റ്റന്‍ ഫയിസ് ഫസലാണ് വിദര്‍ഭയുടെ ടോപ് സ്‌ക്കോറര്‍. അഞ്ച് വിക്കറ്റുകള്‍ പിഴുത സന്ദീപ് വാര്യരും മൂന്ന് വിക്കറ്റെടുത്ത ബേസില്‍ തമ്പിയുമാണ് വിദര്‍ഭയെ വലിയ ലീഡിലേക്ക് വിടാതെ ഒതുക്കിയത്. എം.ഡി.നിധീഷ് രണ്ട് വിക്കറ്റ് വീഴ്ത്തി.