തിയറ്ററില്‍ നേരിട്ടെത്തി ജയറാം; ആരാധകര്‍ക്കൊപ്പം സെല്‍ഫിയെടുത്ത് ആഘോഷം

രണ്ടാം വരവ് ആരാധകര്‍ക്കൊപ്പം ആഘോഷമാക്കി നടന്‍ ജയറാം. തിയറ്ററുകളില്‍ മികച്ച അഭിപ്രായം നേടി മുന്നേറുന്ന ജയറാമിന്റെ ഏറ്റവും പുതിയ ചിത്രം ‘ലോനപ്പന്റെ മാമ്മോദീസ’ യുടെ പ്രമോഷന് വേണ്ടിയാണ് തിയറ്ററില്‍ ജയറാം നേരിട്ടെത്തിയത്. ആരാധകര്‍ക്കൊപ്പം സെല്‍ഫിയെടുത്തും ചിത്രത്തിന് നല്‍കുന്ന പ്രോത്സാഹനത്തിന് നന്ദി പറഞ്ഞുമാണ് താരം മടങ്ങിയത്.

Read More:ജീത്തു ജോസഫ് ചിത്രത്തില്‍ കാളിദാസ് ജയറാം നായകനാകുന്നു

ജയറാമിന്റെ വരവ് ആവേശത്തോടെയാണ് ആരാധകര്‍ ഏറ്റെടുത്തത്. ചിത്രത്തിന് മികച്ച പ്രതികരണമാണ് ലഭിക്കുന്നതെന്നും ആരാധകര്‍ക്ക് മുമ്പില്‍ നേരിട്ടെത്തി സന്തോഷം പങ്കുവയ്ക്കാന്‍ സാധിച്ചത് മഹാഭാഗ്യമാണെന്നും ജയറാം പറഞ്ഞു.