സയ്യിദ് മുഷ്താഖ് അലി ക്രിക്കറ്റില്‍ കേരളത്തിന് ജയം

സയ്യിദ് മുഷ്താഖ് അലി ട്രോഫി ട്വന്റി20 യില്‍ കേരളത്തിന് ജയം. ആന്ധ്രാ പ്രദേശിനെ എട്ട് റണ്‍സിനാണ് കേരളം തോല്‍പ്പിച്ചത്. ടോസ് നേടി ബാറ്റിങ് തെരഞ്ഞെടുത്ത കേരളം നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 160 റണ്‍സ് നേടി. മറുപടി ബാറ്റിങ്ങിനിറങ്ങിയ ആന്ധ്രപ്രദേശ് 19.4 ഓവറില്‍ 152 റണ്‍സിന് ഓള്‍ ഔട്ടാകുകയായിരുന്നു.

70 റണ്‍സ് നേടിയ വിഷ്ണു വിനോദാണ് കേരളത്തിന്റെ ടോപ് സ്‌കോറര്‍. സച്ചിന്‍ ബേബി 38 റണ്‍സെടുത്തു. ബൗളര്‍ സന്ദീപ് വാര്യരുടെ ഹാട്രിക് പ്രകടനമാണ് കേരളത്തിന്റെ വിജയത്തില്‍ നിര്‍ണായകമായത്. സന്ദീപിന് പുറമെ ബേസില്‍ തമ്പി, എം.ഡി നിതീഷ്, എസ്. മിഥുന്‍ എന്നിവര്‍ രണ്ട് വിക്കറ്റ് വീഴ്ത്തി.