സമാധാനത്തിന് ഒരു അവസരം കൂടി നൽകണം; നരേന്ദ്ര മോദിയോട് അഭ്യർഥിച്ച് പാക് പ്രധാനമന്ത്രി ഇമ്രാൻ ഖാൻ

സമാധാനത്തിന് ഒരു അവസരം കൂടി നൽകണമെന്ന് പ്രധാനമന്ത്രി നരേന്ദ്ര മോദിയോട് അഭ്യർഥിച്ച് പാക് പ്രധാനമന്ത്രി ഇമ്രാൻ ഖാൻ. പുൽവാമ ഭീകരാക്രമണത്തെക്കുറിച്ച് കൃത്യമായ രഹസ്യാന്വേഷണ വിവരങ്ങൾ നൽകിയാൽ ശക്തമായ നടപടിയെടുക്കുമെന്നും പാകിസ്ഥാൻ പ്രധാനമന്ത്രിയുടെ ഓഫീസ് പുറത്തിറക്കിയ വാർത്താക്കുറിപ്പിൽ പറയുന്നു.

2015ൽ മോദിയുമായി ചർച്ച നടത്തിയിരുന്നു. ദാരിദ്ര്യം തുടച്ചുനീക്കാൻ മുന്നിട്ടിറങ്ങണമെന്നും തീവ്രവാദികളെ തുരത്താൻ ഒരുമിച്ചു നിൽക്കണമെന്നും അന്നു പറഞ്ഞ മോദി തിരഞ്ഞെടുപ്പടുത്തപ്പോൾ പറഞ്ഞതെല്ലാം മറന്നിരിക്കുകയാണെന്നും ഇമ്രാൻ ഖാൻ കുറ്റപ്പെടുത്തി. രാജസ്ഥാനിലെ റാലിക്കിടെ തീവ്രവാദത്തിനെതിരെ ലോകം ഒരുമിച്ച് നിൽക്കുകയാണെന്ന് പറഞ്ഞ മോദി പഠാന്റെ മകൻ ആണെങ്കിൽ ഭീകരാക്രമണത്തിന് പിന്നിലെ ശക്തികളെ ഇമ്രാൻ ഖാൻ നിയമത്തിന് മുന്നിൽ കൊണ്ടു വരണമെന്ന് വെല്ലുവിളിച്ചിരുന്നു. ഇതിന് മറുപടിയായാണ് ഇമ്രാൻ ഖാന്റെ പ്രതികരണം.

Read Also : പുൽവാമ ഭീകരാക്രമണത്തെ അപലപിച്ച് ഐക്യരാഷ്ട്ര സഭാ സുരക്ഷാസമിതി

അതേസമയം, പാ​ക്കി​സ്ഥാ​ൻ ഒ​രു അ​ണു​ബോം​ബ് പ്ര​യോ​ഗി​ച്ചാ​ൽ ഇ​ന്ത്യ 20 എ​ണ്ണം തി​രി​ച്ച​യ​ച്ച് ന​മ്മ​ളെ ഇ​ല്ലാ​താ​ക്കി​ക്ക​ള​യു​മെ​ന്ന് മു​ൻ പാ​ക് പ്ര​സി​ഡ​ന്‍റ് പ​ർ​വേ​സ് മു​ഷ​റ​ഫ് പറഞ്ഞു. യു​എ​ഇ​യി​ൽ മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. ഇ​ന്ത്യ-​പാ​ക് ബ​ന്ധം അ​പ​ക​ട​ക​ര​മാ​യ അ​വ​സ്ഥ​യി​ലാ​ണു​ള്ള​തെ​ന്നും മു​ഷ​റ​ഫ്.