കെഎസ്ആർടിസിയിൽ വീണ്ടും കൂട്ട പിരിച്ചുവിടൽ; മുഴുവൻ താൽക്കാലിക പെയിന്റർമാരെയും പിരിച്ച് വിടണമെന്ന് ഹൈക്കോടതി

കെഎസ്ആർടിസിയിൽ പെയിന്റർ തസ്തികയിലുള്ള മുഴുവൻ താൽക്കാലിക ജീവനക്കാരെയും പിരിച്ച് വിടണമെന്ന് ഹൈക്കോടതി. താൽക്കാലിക പെയിന്റർമാരായി ജോലി നോക്കുന്ന 90 പേരെയും ഈ മാസം 30 നകം പിരിച്ച് വിടണമെന്നാണ് ഉത്തരവ്. പെയിന്റർ തസ്തികയിലേക്ക് പിഎസ്‌സി ലിസ്റ്റിൽ ഉള്ള ഉദ്യോഗാർത്ഥികൾ നൽകിയ ഹർജിയിലാണ് ഹൈക്കോടതിയുടെ ഉത്തരവ്‌.

Read Also; കെഎസ്ആർടിസി എംപാനൽ ഡ്രൈവർമാരെ മൂന്ന് മാസത്തിനകം പിരിച്ചുവിടണമെന്ന് സുപ്രീംകോടതി

നേരത്തെ എം പാനൽ തസ്തികയിലുള്ള കണ്ടക്ടർമാരെയും ഡ്രൈവർമാരെയും പിരിച്ച് വിടാൻ ഹൈക്കോടതി ഉത്തരവിട്ടിരുന്നു. കോടതി വിധിയെ തുടർന്ന്  കണ്ടക്ടർ തസ്തികയിൽ നിന്ന് മൂവായിരത്തിലധികം എം പാനൽ ജീവനക്കാരെയാണ് പിരിച്ച് വിട്ട് പിഎസ്‌സി പട്ടികയിൽ നിന്ന് പകരം നിയമനം നടത്തിയത്.