ഇന്നത്തെ മത്സരം ഉപേക്ഷിച്ചു; നാളെ കളി തുടരും

ഇന്ത്യ-ന്യൂസിലൻഡ് സെമിഫൈനൽ മത്സരം നാളെ തുടരും. മഴ കുറയാത്തതിനെത്തുടർന്നാണ് ഇന്നത്തെ മത്സരം ഉപേക്ഷിച്ചത്. നാളെ ന്യൂസിലൻഡിൻ്റെ ബാക്കിയുള്ള ഇന്നിംഗ്സിനു ശേഷം ഇന്ത്യ ബാറ്റ് ചെയ്യും. നിലവിൽ 46.1 ഓവറിൽ 5 വിക്കറ്റ് നഷ്ടത്തിൽ 211 റൺസാണ് കിവീസ് നേടിയിരിക്കുന്നത്.

നാളെയും മഴ പെയ്താൽ ഡക്ക്‌വർത്ത്-ലൂയിസ് നിയമം തന്നെ ഉപയോഗിക്കും. കളി നടന്നില്ലെങ്കിൽ പോയിൻ്റ് പട്ടികയിൽ ഒന്നാമതായിരുന്ന ഇന്ത്യ നേരിട്ട് ഫൈനലിൽ പ്രവേശിക്കും.