‘കുൽദീപ് സെൻഗർ കടന്നു പോകുന്നത് കഷ്ടദിനങ്ങളിലൂടെ’; ഉന്നാവ് പ്രതിയെ അനുകൂലിച്ച് ബിജെപി എംഎൽഎ

ഉന്നാവ് കേസ് പ്രതിയായ കുൽദീപ് സെൻഗറിനെ അനുകൂലിച്ച് മറ്റൊരു ബിജെപി എംഎൽഎ. കുൽദീപ് സെൻഗർ കഷ്ടദിനങ്ങളിലൂടെയാണ് കടന്നുപോകുന്നതെന്ന് ഹർദോയി എംഎൽഎ ആശിഷ് സിംഗ് അഷു പറഞ്ഞു.

എല്ലാ അതിജീവിച്ച് കുൽദീപ് സെൻഗർ ജയിലിൽ നിന്ന് പുറത്തുവരുമെന്നും ആശിഷ് സിംഗ് പറഞ്ഞു. രാജ്യം മുഴുവൻ ഉന്നാവ വാഹനാപകടത്തിൽ വേദനിച്ചു നിൽക്കുമ്പോഴുണ്ടായ പ്രസംഗം വൻ വിവാദത്തിന് തിരികൊളുത്തിയിട്ടുണ്ട്.

അതേസമയം, വാഹനാപകടക്കേസിലെ അന്വേഷണം സിബിഐ ഊർജിതമാക്കി. കുൽദീപ് സെൻഗറിനെയും സഹോദരൻ അതുൽ സിംഗിനേയും സിബിഐ ചോദ്യം ചെയ്‌തേക്കും. ഇരുവരും റിമാൻഡിൽ കഴിയുന്ന സീതാപൂർ ജയിലിൽവെച്ചാകും ചോദ്യം ചെയ്യൽ. വാഹനത്തിന്റെ ഡ്രൈവറും ക്ലിനറും നൽകിയ മൊഴികളിൽ വലിയ വൈരുദ്ധ്യം കണ്ടത്തിയതിനെ തുടർന്നാണ് ചോദ്യം ചെയ്യാൻ അന്വേഷണ സംഘം തീരുമാനിച്ചത്. അതിനിടെ, പെൺകുട്ടിയുടെയും അഭിഭഷകന്റെയും ആരോഗ്യനില ഗുരുതരമായി തന്നെ തുടരുകയാണ്.


‘24’ ഇപ്പോള്‍ ടെലിഗ്രാമിലും ലഭ്യമാണ്
വാര്‍ത്തകള്‍ക്കും പുതിയ അപ്‌ഡേറ്റുകള്‍ക്കുമായി ‘ടെലിഗ്രാം ചാനല്‍’ സബ്‌സ്‌ക്രൈബ് ചെയ്യുക.
Join us on Telegram
Top