മഴക്കെടുതി; സംസ്ഥാനത്തെ 1038 വില്ലേജുകളെ പ്രളയബാധിത പ്രദേശങ്ങളായി പ്രഖ്യാപിച്ചു

സംസ്ഥാനത്തെ 1038 വില്ലേജുകളെ പ്രളയബാധിത പ്രദേശങ്ങളായി പ്രഖ്യാപിച്ചു. ഈ മാസം കേരളത്തിലുണ്ടായ മഴയുടേയും ഉരുൾപൊട്ടലിന്റേയും പശ്ചാത്തലത്തിലാണ് ഈ തീരുമാനം.

സംസ്ഥാന ദുരന്ത നിവാരണ വകുപ്പാണ് പ്രളയ-മണ്ണിടിച്ചിൽ ബാധിത വില്ലേജുകളുടെ പട്ടിക പുറത്തിറക്കിയത്. 1038 വില്ലേജുകളിലാണ് ഈ മാസമുണ്ടായ പ്രളയം ബാധിച്ചതെന്ന് ഇതിൽ വ്യക്തമാക്കുന്നു. തിരുവനന്തപുരം ജില്ല ഒഴികെയുള്ള 13 ജില്ലകളിലേയും വിവിധ വില്ലേജുകൾ ഈ പട്ടികയിലുണ്ട്. ഏറ്റവും കുറവ് വില്ലേജുകൾ കൊല്ലം ജില്ലയിലാണ് -അഞ്ച്. ഏറ്റവും കൂടുതൽ തൃശൂർ ജില്ലയിലാണ്-215 വില്ലേജുകൾ.

Read Also : പ്രളയക്കെടുതിയിൽ വലയുന്നവർക്ക് കൈത്താങ്ങായി പ്രവാസി സമൂഹം; ജിദ്ദയിൽ സംഘടിപ്പിച്ച കലാവിരുന്ന് ശ്രദ്ധേയമായി

പത്തനംതിട്ട-28, ആലപ്പുഴ-59, ഇടുക്കി-38, എറണാകുളം-62, തൃശൂർ-215, പാലക്കാട്-124, മലപ്പുറം-138, കോഴിക്കോട്-115, വയനാട്-49, കണ്ണൂർ-95, കാസർഗോഡ്-61 എന്നിങ്ങനെയാണ് മറ്റു ജില്ലകളിലെ പ്രളയ ബാധിത വില്ലേജുകൾ.

സാമ്പത്തിക സഹായം ഉൾപ്പെടെ ലഭ്യമാക്കുന്നതിനുള്ള ആദ്യപടിയായിട്ടാണ് പ്രളയ ബാധിത പ്രദേശങ്ങളുടെ പട്ടിക പുറത്തിറക്കിയിട്ടുള്ളത്. ഈ പട്ടികയിലുള്ള വില്ലേജുകളുടെ അടിസ്ഥാനത്തിലാകും ദുരിതം അനുഭവിക്കുന്നവർക്കുള്ള സഹായവും പനരധിവാസവും നടക്കുക.