‘യാത്ര തുടങ്ങാം കരുതലോടെ’ സേവ് ദ ഡേറ്റ് ഫോട്ടോയ്ക്ക് പ്രശംസയുമായി കേരള പൊലീസ്

പുതുമയാര്ന്ന സേവ് ദ ഡേറ്റ് ഫോട്ടോ ഷൂട്ടുകള് ഇയിടെ സോഷ്യല് മീഡിയകളില് വൈറലായിരുന്നു. ‘സേവ് ദ ഡേറ്റ്’ ഫോട്ടോകളിലെ വൈവിധ്യങ്ങള് പ്രശംസിച്ചും വിമര്ശിച്ചും നിരവധി പേരാണ് രംഗത്ത് വന്നത്.
വ്യത്യസ്തമായ ഒരു ‘സേവ് ദ ഡേറ്റ്’ ഫോട്ടോയെ പ്രശംസിച്ച് രംഗത്തെത്തിരിക്കുകയാണ് കേരള പൊലീസ്. കേരള പൊലീസിന്റെ ഫേസ്ബുക്ക് പേജിലാണ് സേവ് ദ ഡേറ്റിന്റെ ചിത്രം പോസ്റ്റ് ചെയ്തിരിക്കുന്നത്. സംസ്ഥാനത്ത് പിന്സീറ്റ് യാത്രക്കാര്ക്ക് ഹെല്മെറ്റ് നിര്ബന്ധമാക്കിയ സാഹചര്യത്തില് യാത്ര തുടങ്ങാം കരുതലോടെ എന്ന അടിക്കുറിപ്പില് രണ്ട് ഹെല്മെറ്റുമായി നില്ക്കുന്ന വധുവിന്റെയും വരന്റെയും സേവ് ദ ഡേറ്റ് ചിത്രം പങ്കുവെച്ചുകൊണ്ടാണ് കേരള പോലീസിന്റെ ഫെയ്സ്ബുക്ക് കുറിപ്പ്.
സൂക്ഷിച്ചു നോക്കണ്ടടാ ഉണ്ണീ… ഇത് അത് തന്നെ… അനുകരണീയ മാതൃകയായതിനാല് ഇത് ഞങ്ങളിങ്ങെടുക്കുവാ എന്ന അടിക്കുറിപ്പോടെയാണ് ഈ ചിത്രം കേരള പോലീസ് ഫെയ്സ്ബുക്കില് പങ്കുവെച്ചത്. ഡിസംബര് ഒന്ന് മുതലാണ് സംസ്ഥാനത്ത് പിന്സീറ്റ് യാത്രക്കാര്ക്കും ഹെല്മെറ്റ് നിര്ബന്ധമാക്കിയത്. ഹെല്മെറ്റ് ഇല്ലാതെ യാത്ര ചെയ്താല് 500 രൂപയാണ് പിഴ. കുറ്റം ആവര്ത്തിച്ചാല് ലൈസന്സ് സസ്പെന്ഷനും കിട്ടും.
Story Highlights- Kerala Police, Save the Date photo
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here