ഹര്ത്താല് ആഹ്വാനം: മുന്കൂട്ടി നോട്ടീസ് നല്കാത്തതിനാല് ഹര്ത്താല് നിയമവിരുദ്ധം: നിയമനടപടികള് സ്വീകരിക്കും: പൊലീസ്
17 ന് ഹര്ത്താല് ആഹ്വാനം ചെയ്തുകൊണ്ടുള്ള സന്ദേശങ്ങള് സമൂഹ്യമാധ്യമങ്ങള് വഴി വ്യാപകമായി പ്രചരിക്കുന്നതായി കേരളാ പൊലീസ്. 17 ന് രാവിലെ ആറ് മുതല് വൈകുന്നേരം ആറ് മണിവരെ ഹര്ത്താലിന് ആഹ്വാനം ചെയ്തുകൊണ്ടുള്ള സന്ദേശങ്ങളാണ് സമൂഹ്യമാധ്യമങ്ങള് വഴി വ്യാപകമായി പ്രചരിക്കുന്നത്.
ഹൈക്കോടതിയുടെ ഉത്തരവ് പ്രകാരം ഹര്ത്താന് നടത്താന് ഉദ്ദേശിക്കുന്ന സംഘടന ഏഴ് ദിവസം മുമ്പ് നോട്ടീസ് നല്കണമെന്ന ഉത്തരവ് നിലവിലുണ്ട.് ഹൈക്കോടതിയുടെ ഉത്തരവ് പ്രകാരമുള്ള നോട്ടീസ് ഹര്ത്താലാഹ്വാനം ചെയ്തിട്ടുള്ള സംഘടനകള് നല്കിയിട്ടില്ലാത്തതിനാല് ഹര്ത്താല് പ്രഖ്യാപനം നിയമവിരുദ്ധമാണ്. അതിനാല് അന്നേ ദിവസം സംസ്ഥാനത്ത് ഹര്ത്താല് നടത്തുകയോ, ഹര്ത്താലിനെ അനുകൂലിക്കുകയോ ചെയ്താല് എല്ലാ കഷ്ടനഷ്ടങ്ങള്ക്കും ഉത്തരവാദിത്വം ഹര്ത്താല് നടത്തുന്ന സംഘടനകളുടെ ജില്ലാ/സംസ്ഥാന നേതാക്കള്ക്കായിരിക്കമെന്നും അവരുടെ പേരില് നിയമനടപടികള് സ്വീകരിക്കുമെന്നും പൊലീസ് അറിയിച്ചു.
ഇത് കൂടാതെ 17ന് സംസ്ഥാന വ്യാപകമായി നഗരസഭ/പഞ്ചായത്ത് ഉപതെരഞ്ഞെടുപ്പ് നടക്കുന്നുണ്ട്. ഈ സാഹചര്യത്തില് പൊതുജനങ്ങള്ക്ക് വോട്ടവകാശം വിനിയോഗിക്കുന്നതിനും മറ്റും ഹര്ത്താല് പ്രചാരണം തടസം സൃഷ്ടിക്കാന് സാധ്യതയുള്ളതിനാല് തെരഞ്ഞടുപ്പുമായി ബന്ധപ്പെട്ട കുറ്റകൃത്യങ്ങള്ക്കും കൂടി ഹര്ത്താല് പ്രഖ്യാപിച്ച നേതാക്കള് ഉത്തരവാദികള് ആയിരിക്കുമെന്നും പൊലീസ് അറിയിച്ചു.
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here