ലോഡ് വരുന്നത് കുറഞ്ഞു; സവാള വിലയില്‍ വീണ്ടും വര്‍ധനവ്

സവാള വിലയില്‍ വീണ്ടും വര്‍ധന. 160 രൂപ വരെയാണ് കോഴിക്കോട് ഇന്ന് സവാളക്ക് വില. കഴിഞ്ഞ ദിവസങ്ങളില്‍ 80 മുതല്‍ 100 രൂപവരെ വില കുറഞ്ഞിരുന്നു. 50 രൂപ മുതല്‍ 160 രൂപ വരെയാണ് കഴിഞ്ഞ ഏതാനും മാസങ്ങളായി സവാള വിലയിലുണ്ടായ വര്‍ധന. ഇത് സാധാരണക്കാരെയും ഹോട്ടല്‍ മേഖലയെയുമാണ് കാര്യമായി ബാധിച്ചിരിക്കുന്നത്.

വിഷയത്തില്‍ കേന്ദ്ര സംസ്ഥാന സര്‍ക്കാരുകള്‍ ഇടപെടണമെന്നാണ് ജനങ്ങളുടെ ആവശ്യം. സവാളയുടെ വരവ് കുറഞ്ഞതോടെയാണ് വില വീണ്ടും വര്‍ധിച്ചിരിക്കുന്നത്. മുന്‍പ് 10 ലോഡ് വരെ എത്തിയിരുന്നിടത്ത് ഇപ്പോള്‍ രണ്ട് ലോഡ് വീതമാണ് എത്തുന്നത്. വില വര്‍ധനവ് തടയാന്‍ നടപടിയുണ്ടായില്ലെങ്കില്‍ ശക്തമായ പ്രധിഷേധ പരിപാടികളുമായി മുന്നോട്ട് പോകാനാണ് ഹോട്ടല്‍ ഉടമകളുടെ തീരുമാനം.