ഇന്നത്തെ പ്രധാന വാർത്തകൾ (22.12.2019)

പൗരത്വ നിയമ ഭേദഗതി രാജ്യ നന്മയ്ക്ക്; ചിലർ മുസ്ലീങ്ങളെ തെറ്റിദ്ധരിപ്പിക്കുന്നുവെന്ന് പ്രധാനമന്ത്രി

പൗരത്വ നിയമ ഭേദഗതി രാജ്യ നന്മയ്ക്ക് വേണ്ടിയെന്ന് പ്രധാനമന്ത്രി നരേന്ദ്രമോദി. സിഎഎയുമായി ബന്ധപ്പെട്ട് ചിലർ വ്യാജ പ്രചാരങ്ങൾ നടത്തുന്നുവെന്നും മോദി പറഞ്ഞു. മുസ്ലിങ്ങളെ തെറ്റിദ്ധരിപ്പിക്കാനാണ് ശ്രമം.

മംഗളൂരു വെടിവയ്പ്; കൊല്ലപ്പെട്ടവരുടെ കുടുംബാംഗങ്ങൾക്ക് 10 ലക്ഷം രൂപ ധനസഹായം

മംഗലാപുരത്ത് പൗരത്വ നിയമ ഭേദഗതി പ്രതിഷേധത്തിനിടെ വെടിയേറ്റ് മരിച്ചവരുടെ കുടുംബത്തിന് ധനസഹായം പ്രഖ്യാപിച്ച് കർണാടക സർക്കാർ. വെടിവയ്പിൽ കൊല്ലപ്പെട്ടവരുടെ കുടുംബങ്ങൾക്ക് പത്തുലക്ഷം രൂപ വീതം നൽകുമെന്ന് മുഖ്യമന്ത്രി ബി.എസ്. യെദ്യൂരപ്പ പ്രഖ്യാപിച്ചു. അതേസമയം മംഗലാപുരത്ത് ഇന്ന് വൈകിട്ട് 6 വരെ കർഫ്യൂവിൽ ഇളവ് നൽകിയിട്ടുണ്ട്.

കേരളാ ഗവർണർ കേന്ദ്രത്തിന്റെ പിആർഒയെ പോലെയെന്ന് വി എം സുധീരൻ

പൗരത്വ നിയമ ഭേദഗതിയിൽ കേരള ഗവർണർ ആരിഫ് മുഹമ്മദ് ഖാനെതിരെ രൂക്ഷ വിമർശനവുമായി കോൺഗ്രസ് നേതാവ് വി എം സുധീരൻ. കേരളാ ഗവർണർ കേന്ദ്രത്തിന്റെ പിആർഒയെ പോലെ പെരുമാറുന്നുവെന്ന് വി എം സുധീരൻ ഫേസ്ബുക്കിൽ കുറിച്ചു.

പൗരത്വ നിയമ ഭേദഗതി; രാജ്യത്തിന്റെ പല ഭാഗങ്ങളിലും പ്രതിഷേധം ഇന്നും തുടരും

പൗരത്വ നിയമഭേദഗതിക്കെതിരെ രാജ്യത്തിന്റെ പല മേഖലകളിലും പ്രതിപക്ഷ പാർട്ടികളുടെ അടക്കം പ്രതിഷേധം ഇന്നും തുടരും. ഉത്തർപ്രദേശിൽ സംഘർഷ സാധ്യതയുള്ള മേഖലകളിൽ കർഫ്യു തുടരുകയാണ്. ലഖ്‌നൗവിൽ പൊലീസ് വെടിവയ്പ്പിൽ മരിച്ചവരുടെ വീടുകൾ തൃണമൂൽ പ്രതിനിധിസംഘം സന്ദർശിക്കും. അതേസമയം, ഡൽഹിയിലെ രാംലീല മൈതാനിയിൽ പ്രഖ്യാപിച്ചിരിക്കുന്ന ബിജെപി മഹാറാലിയെ പ്രധാനമന്ത്രി നരേന്ദ്രമോദി അഭിസംബോധന ചെയ്യും.

todays headlines, news round up