‘എന്തുകൊണ്ട് മുസ്ലീങ്ങളെ മാത്രം ഒഴിവാക്കുന്നുവെന്ന് മോദി പറയണം’: സീതാറാം യെച്ചൂരി

പൗരത്വ നിയമ ഭേദഗതിയുമായി ബന്ധപ്പെട്ട് പ്രധാനമന്ത്രി നരേന്ദ്ര മോദിക്കെതിരെ സിപിഐഎം ജനറൽ സെക്രട്ടറി സീതാറാം യെച്ചൂരി. നിയമം എല്ലാ മതത്തിലുള്ളവർക്കും ഒരു പോലെ ബാധകമായിരിക്കണമെന്നും എന്തുകൊണ്ട് മുസ്ലീങ്ങളെ മാത്രം ഒഴിവാക്കുന്നുവെന്ന് പ്രധാനമന്ത്രി വിശദീകരിക്കണമെന്നും യെച്ചൂരി പറഞ്ഞു.

പ്രതിപക്ഷത്തിനെതിരെ പ്രധാനമന്ത്രി ഉന്നയിച്ച ആരോപണങ്ങൾ അടിസ്ഥാനരഹിതമാണ്. പൗരത്വ നിയമം ഭരണഘടന വിരുദ്ധമാണെന്ന് എല്ലാവർക്കുമറിയാം. പൊലീസ് നടത്തുന്ന ക്രൂരതകൾക്ക് ആര് മറുപടി പറയുമെന്നും യെച്ചൂരി ഡൽഹിയിൽ പറഞ്ഞു.

read also: പൗരത്വ നിയമ ഭേദഗതി രാജ്യ നന്മയ്ക്ക്; ചിലർ മുസ്ലീങ്ങളെ തെറ്റിദ്ധരിപ്പിക്കുന്നുവെന്ന് പ്രധാനമന്ത്രി

പൗരത്വ നിയമ ഭേദഗതി രാജ്യ നന്മയ്ക്ക് വേണ്ടിയെന്നായിരുന്നു പ്രധാനമന്ത്രി നരേന്ദ്രമോദി പറഞ്ഞത്. സിഎഎയുമായി ബന്ധപ്പെട്ട് ചിലർ വ്യാജ പ്രചാരങ്ങൾ നടത്തുന്നുവെന്നും മുസ്ലീങ്ങളെ തെറ്റിദ്ധരിപ്പിക്കാനാണ് ശ്രമമെന്നും മോദി രാംലീല മൈതാനത്തിൽ ജനങ്ങളെ അഭിസംബോധന ചെയ്ത് പറഞ്ഞിരുന്നു. പ്രധാനമന്ത്രിക്കെതിരെ കോൺഗ്രസ് നേതാവ് രാഹുൽ ഗാന്ധിയും വിമർശനവുമായി രംഗത്തെത്തിയിരുന്നു. പ്രധാനമന്ത്രി നരേന്ദ്ര മോദിയും ആഭ്യന്തരമന്ത്രി അമിത് ഷായും ചേർന്ന് രാജ്യത്തെ യുവജനങ്ങളുടെ ഭാവി നശിപ്പിച്ചുവെന്ന് രാഹുൽ ട്വിറ്ററിലൂടെ പറഞ്ഞിരുന്നു.

story highlights- sitaram yechuri, citizenship amendment act, narendra modi