സെയിൽസ് ഗേൾസിന് വേണ്ടി പ്രതി പൂവൻ കോഴിയുടെ പ്രത്യേക പ്രദർശനം; ഒപ്പമിരുന്ന് മഞ്ജു വാര്യർ

തിരുവനന്തപുരത്തെ സെയിൽസ് ഗേൾസിനൊപ്പം പ്രതി പൂവൻ കോഴിയെന്ന സിനിമ കണ്ട് മഞ്ജു വാര്യർ. സിനിമ കണ്ടതിന് ശേഷം പാട്ടുപാടിയും കേക്ക് മുറിച്ചും സിനിമയുടെ വിജയാഘോഷത്തിലും മഞ്ജു പങ്കാളിയായി.

സിനിമയിലെ സെയിൽസ് ഗേളും യഥാർത്ഥ സെയിൽസ് ഗേൾസും തമ്മിലുളള സമാഗമ വേദിയായി മാറി തിരുവനന്തപുരം കാർണിവൽ സിനിമാസിലെ പ്രത്യേക പ്രദർശനം. പ്രതി പൂവൻ കോഴിയെന്ന സിനിമയിലെ മാധുരിക്കൊപ്പം സിനിമ കാണാനായതിന്റെ സന്തോഷത്തിലായിരുന്നു തലസ്ഥാനത്തെ വിവിധ സ്ഥാപനങ്ങളിലെ സെയിൽസ് ഗേൾസ്.

സിനിമയുടെ വിജയം കേക്ക് മുറിച്ചാഘോഷിച്ചാണ് മഞ്ജു മടങ്ങിയത്. ഒപ്പം തിരുവനന്തപുരം മാൾ ഓഫ് ട്രാവൻകൂറിൽ തടിച്ചുകൂടിയ പ്രേക്ഷകർക്ക് മുന്നിൽ മഞ്ജു ഒരു നിമിഷത്തേക്ക് ഗായികയുമായി.