പ്ലാസ്റ്റിക് നിരോധനം; കോഴിക്കോട് വ്യാപാരി വ്യവസായി ഏകോപന സമിതി ധർണ നടത്തി

ബദൽ സംവിധാനം ഏർപ്പെടുത്താതെയുള്ള പ്ലാസ്റ്റിക് നിരോധനത്തിൽ പ്രതിഷേധിച്ച് കേരള വ്യാപാരി വ്യവസായി ഏകോപന സമിതി കോഴിക്കോട് ജില്ലാ കമ്മറ്റിയുടെ നേതൃത്വത്തിൽ കളക്ട്രേറ്റിന് മുന്നിൽ ധർണ നടത്തി. പ്ലാസ്റ്റിക് നിരോധനം വ്യാപാര മേഖലയെ ആകെ പ്രതിസന്ധിയിലാക്കുമെന്ന് വ്യാപാരികൾ പറഞ്ഞു

സംസ്ഥാനത്ത് നടപ്പാക്കിയ ഒറ്റത്തവണ ഉപയോഗമുള്ള പ്ലാസിക്കുകളുടെ നിരോധനത്തിനെതിരെയാണ് കേരള വ്യാപാരി വ്യവസായി ഏകോപന സമിതിയുടെ നേതൃത്വത്തിൽ കോഴിക്കോട് കലക്ട്രേറ്റിന് മുന്നിൽ ധർണ നടത്തിയത്. ധർണ,കേരള വ്യാപാരി വ്യവസായി ഏകോപന സമിതി സംസ്ഥാന രക്ഷാധികാരി കെ ഹസൻ കോയ ഉദ്ഘാടനം ചെയ്തു. വേണ്ടത്ര മുന്നൊരുക്കങ്ങൾ ഇല്ലാതെയാണ് നിയമം നടപ്പിലാക്കുന്നെതെന്നും നിരോധനം വ്യാപാര മേഖലയെ വൻ പ്രതിസന്ധയിലേക്ക് നായിക്കുമെന്നും കെ ഹസൻ കോയ പറഞ്ഞു

പ്ലാസ്റ്റിക് നിരോധനത്തിന് വ്യാപാരികൾക്ക് കൂടുതൽ സമയം അനുവദിക്കണം എന്ന് വ്യാപാരി വ്യവസായി ഏകോപന സമിതി പ്രസിഡന്റ് ടി നസുറുദീൻ മാധ്യങ്ങളോട് പറഞ്ഞു.

ഈ കാര്യങ്ങൾ ആവശ്യപ്പെട്ട് വരും ദിവസങ്ങളിൽ പ്രതിഷേധം ശക്തമാക്കുമെന്നും വ്യാപാരി വ്യവസായി ഏകോപന സമിതി അറിയിച്ചു.

Story Highlights: Plastic Ban, Vyapari Vyavasayi Ekopana Samithi