കേന്ദ്ര സർക്കാരിന്റെ തെരഞ്ഞെടുപ്പ് ബോണ്ട് പദ്ധതി സ്റ്റേ ചെയ്യില്ല

കേന്ദ്ര സർക്കാരിന്റെ തെരഞ്ഞെടുപ്പ് ബോണ്ട് പദ്ധതി സ്റ്റേ ചെയ്യണമെന്ന ആവശ്യം സുപ്രിംകോടതി വീണ്ടും തള്ളി.

ഡൽഹി തെരഞ്ഞെടുപ്പ് അടുത്തിരിക്കുന്ന സാഹചര്യത്തിൽ രാഷ്ട്രീയ പാർട്ടികളിലേക്ക് കോടികളുടെ ഒഴുക്കുണ്ടാകുമെന്ന് മുതിർന്ന അഭിഭാഷകൻ പ്രശാന്ത് ഭൂഷൺ വാദിച്ചെങ്കിലും കോടതി കണക്കിലെടുത്തില്ല. ബോണ്ട് വാങ്ങുന്നവരുടെ വിശദാംശങ്ങൾ പരസ്യപ്പെടുത്തില്ല തുടങ്ങിയ വ്യവസ്ഥകൾ ഗൂഢലക്ഷ്യത്തോടെയാണെന്നാണ് പൊതുതാൽപര്യഹർജികളിലെ ആരോപണം. എന്നാൽ നേരത്തെ പരിഗണിച്ച ബെഞ്ച് സ്റ്റേ അനുവദിക്കാത്ത് കോടതി ചൂണ്ടിക്കാട്ടി.

Read Also : എൻഐഎ ഭേദഗതി: കേന്ദ്രസർക്കാരിന് സുപ്രിംകോടതി നോട്ടിസ്

ഹർജികളിൽ കേന്ദ്രസർക്കാരും തെരഞ്ഞെടുപ്പ് കമ്മിഷനും രണ്ടാഴ്ചയ്ക്കകം നിലപാട് അറിയിക്കണമെന്ന് ചീഫ് ജസ്റ്റിസ് എസ്.എ. ബോബ്‌ഡെ അധ്യക്ഷനായ ബെഞ്ച് ഉത്തരവിട്ടു.

Story Highlights- Supreme Court, Electoral Bond