ഇന്നത്തെ പ്രധാന വാർത്തകൾ (11-03-2020)
ഇറ്റലിയിൽ നിന്ന് ഇന്ത്യയിലേക്ക് മടങ്ങാൻ കഴിയാതെ 45 മലയാളികൾ റോമിലെ വിമാനത്താവളത്തിൽ കുടുങ്ങി. ഇന്ത്യയിലേക്ക് തിരികെ പോകാൻ അനുമതി നൽകില്ലെന്നാണ് ഇറ്റാലിയൻ അധികൃതർ ഇവരെ അറിയിച്ചത്. ഇന്ത്യാ ഗവൺമെന്റിന്റെ അനുമതി ലഭിക്കാതെ യാത്രക്കാരെ തിരികെ വിടില്ലെന്നാണ് ഇറ്റാലിയൻ അധികൃതർ യാത്രക്കാരെ അറിയിച്ചത്.
ആലപ്പുഴ പൂച്ചാക്കലിലെ അപകടം: പരുക്കേറ്റ വിദ്യാർത്ഥികളുടെ നില തൃപ്തികരം
ഇന്നലെ ആലപ്പുഴ പൂച്ചക്കലിൽ ഉണ്ടായ കാർ അപകടത്തിൽ പരുക്കേറ്റ വിദ്യാർത്ഥികളുടെ നില തൃപ്തികരം. അനഘ, അർച്ചന, ചന്ദന, സാഖി എന്നീ നാലു വിദ്യാർത്ഥിനികൾക്കാണ് അപകടത്തിൽ പരുക്കേറ്റത്. ഇന്നലെ തന്നെ ഇവരെ ചികിത്സയ്ക്കായി എറണാകുളത്തെ വിവിധ ആശുപത്രികളിൽ പ്രവേശിപ്പിച്ചിരുന്നു. ഇതിൽ അനഘ എന്ന വിദ്യാർത്ഥിനിയുടെ ഇരു കാലുകൾക്കും ഒടിവ് സംഭവിച്ചിട്ടുണ്ട്. കുട്ടിയെ ഇന്ന് ശസ്ത്രക്രിയക്ക് വിധേയമാക്കും. മറ്റു മൂന്നുപേരുടെയും നില തൃപ്തികരമാണ്.
Story Highlights- News Round Up, headlines
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here