സംസ്ഥാനത്ത് സ്വർണവില സർവകാല റെക്കോർഡിൽ; പവന് 480 രൂപകൂടി 37,880 രൂപയിലെത്തി

gold-rate gold rate increased by 160

സംസ്ഥാനത്ത് തുടർച്ചയായ നാലാമത്തെ ദിവസവും സ്വർണവിലയിൽ കുതിപ്പ്. വെളളിയാഴ്ച പവന് 480 രൂപകൂടി 37,880 രൂപയിലെത്തി. ഗ്രാമിന് 4735 രൂപയാണ് വില.

വ്യാഴാഴ്ച പവന് 120 രൂപ വർധിച്ച് 37,400 രൂപയിലെത്തിയിരുന്നു. അന്താരാഷ്ട്ര വിപണിയിലെ വിലക്കയറ്റവും ഡോളറുമായുള്ള വിനിമയത്തിൽ രൂപയുടെ മൂല്യം കുറയുന്നതാണ് സ്വർണവില ഉയരാനുള്ള കാരണം.

അന്താരാഷ്ട്ര വിപണിയിൽ വ്യാഴാഴ്ച ഒരു ട്രോയ് ഔൺസ് (31.1 ഗ്രാം) തനിത്തങ്കത്തിന്റെ വില 1,900 ഡോളറിലാണ് ക്ലോസ് ചെയ്തത്. എന്നാൽ വെള്ളിയാഴ്ച 1,885.62 നിലവാരത്തിലെത്തി. കൊവിഡ് വ്യാപനം രൂക്ഷമാകുന്നതിനിടയിൽ സുരക്ഷിത നിക്ഷേപം എന്ന നിലയിൽ സ്വർണത്തിൽ നിക്ഷേപം വർധിക്കുന്നതാണ് വില കൂടാൻ കാരണം.

Story Highlights gold rate

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top